حالىقتىق شتابتىڭ پىكىرىنشە، بەيبىت اتوم ەكونوميكانىڭ تۇراقتى ءارى سەنىمدى ەنەرگيا كوزى رەتىندە ەلىمىزدىڭ دامۋىنا وڭ ىقپال ەتەدى.
اتوم ەلەكتر ستانسياسىن (اەس) سالۋ تەك قانا ەلەكتر ەنەرگياسىن وندىرۋمەن شەكتەلمەيدى، ول بۇكىل ايماقتىڭ دامۋىنا دا سەپتىگىن تيگىزەدى. اەس سالىناتىن ايماقتىڭ ينفراقۇرىلىمى جاقسارىپ، جولدار، ەلەكتر جەلىلەرى، بايلانىس جۇيەلەرى جەتىلىپ، ايماققا مۋلتيپليكاتيۆتى اسەرىن بەرەدى.
سونىمەن قاتار، اتوم ەلەكتر ستانسياسى پايدالانۋعا بەرىلگەندە ەلدە يادرولىق تەحنولوگيالار سالاسى جاڭا دەڭگەيگە كوتەرىلەدى. بۇل عىلىم مەن تەحنولوگيانىڭ دامۋىنا سەرپىن بەرىپ، جاس ماماندار ءۇشىن جاڭا مۇمكىندىكتەر اشىلادى. ەلىمىزدە يادرولىق تەحنولوگيالار سالاسىنا ينۆەستيسيالار تارتىلىپ، جوعارى تەحنولوگيالى وندىرىستەر دامۋعا جول اشپاق.
بەيبىت اتوم — ەنەرگەتيكالىق تاۋەلسىزدىك پەن ەكولوگيالىق قاۋىپسىزدىكتىڭ كەپىلى!** اەس ەلەكتر ەنەرگياسىنىڭ تاپشىلىعىن جويۋعا، ەلدىڭ ەنەرگيا بالانسىنىڭ ءارتاراپتاندىرىلۋىنا جانە كومىرسۋتەكتى شىعارىندىلاردى ازايتۋعا كومەكتەسەدى. وسىلايشا، تازا ەنەرگيا كوزى رەتىندە اتوم ەنەرگەتيكاسى قازاقستاننىڭ بولاشاعىنا وڭ ىقپال ەتپەك.
قۇرمەتتى قازاقستاندىقتار! الداعى رەفەرەندۋمعا قاتىسۋ — ءارقايسىمىزدىڭ ازاماتتىق بورىشىمىز. ەل بولاشاعىن بىرگە تاڭداپ، قازاقستاندى تۇراقتى جانە ەنەرگەتيكالىق تاۋەلسىز مەملەكەتكە اينالدىرۋعا ۇلەس قوسايىق!