اقتوبە وبلىسىنىڭ جانە حرومتاۋ اۋدانىنىڭ حالىقتىق شتابى مۇشەلەرى «ۆوسحود وريەل» ج ش س جۇمىسشىلارىمەن كەزدەسۋ وتكىزدى. كەزدەسۋ بارىسىندا اەس قۇرىلىسىنىڭ ماڭىزى، ارتىقشىلىقتارى جانە ونىڭ قورشاعان ورتاعا اسەرى كەڭىنەن تالقىلاندى.
وبلىستىق حالىقتىق شتاب مۇشەسى داۋرەن مۋلداشيەۆ مەملەكەت باسشىسىنىڭ اەس سالۋ ماسەلەسىنە قاتىستى جالپىۇلتتىق رەفەرەندۋم وتكىزۋ تۋرالى باستاماسىنىڭ ماڭىزدىلىعىن اتاپ ءوتتى:
«ءبىز العاش رەت ساياسي جۇيەگە قاتىسى جوق اەس سالۋ ماسەلەسىن حالىقپەن بىرگە تالقىلاپ وتىرمىز. بۇل رەفەرەندۋم ارقىلى پرەزيدەنتتىڭ «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرامىز».