اەس قۇرىلىسى جانە ينفراقۇرىلىمنىڭ دامۋى: جاڭا مۇمكىندىكتەر مەن بولاشاق جوسپارلار
اەس قۇرىلىسى شامامەن 7-10 جىلعا سوزىلادى. قۇرىلىس بارىسىندا جۇمىس ىستەيتىن دانەكەرلەۋشى ماماندار كەيىن ءوز بىلىمدەرىن جالعاستىرىپ، اەس مامانى بولا الادى. رەاكتور بولىمشەسىندە تەك جوعارى ءبىلىمدى ماماندار جۇمىس ىستەيتىن بولادى. ولار وقىتىلىپ، تاجىريبەدەن وتەدى، ولاردىڭ ءارقايسىسىنا تالىمگەر بەكىتىلەدى، بارلىق ماماندار ءبىر-بىرىن الماستىرا الادى.
قازىرگى تاڭدا اتوم ەنەرگەتيكاسى سالاسىنا مامانداردى دايىنداۋ ماقساتىندا "يادرولىق فيزيكا"، "تەوريالىق يادرولىق فيزيكا"، "يادرولىق فيزيكا جانە اتوم ەنەرگەتيكاسى"، "يادرولىق ينجەنەريا" جانە "اتومدىق ەلەكتر ستانسيالارى جانە قوندىرعىلار" سياقتى ارنايى ءبىلىم بەرۋ باعدارلامالارى جۇزەگە اسىرىلۋدا. 2023-2024 وقۋ جىلىندا بۇل باعىتتار بويىنشا شامامەن 250 ادام ءبىلىم الۋدا.
بۇل ماماندار اەس قۇرىلىسى مەن ەكسپلۋاتاسياسىنا قاتىسۋعا الەۋەتتى مۇمكىندىككە يە. ولاردىڭ العان بىلىمدەرى مەن داعدىلارى ولاردى اەس-تە جۇمىس ىستەۋگە قاجەتتى جوعارى بىلىكتى ماماندارعا اينالدىرۋعا كومەكتەسەدى. وسىلايشا، بۇگىننىڭ وزىندە جوبادا قاتىساتىن كادرلىق رەزەرۆ قالىپتاسۋدا.
اەس قۇرىلىسى تەك ستانسيانىڭ ءوزى عانا ەمەس، سونىمەن قاتار ينفراقۇرىلىمنىڭ دامۋىن قامتيتىن ۇلكەن جوبانىڭ ءبىر بولىگى بولىپ تابىلادى. ماڭىزدىسى - تەك اەس-تى سالۋ ەمەس، سول جەردە جۇمىس ىستەيتىن قىزمەتكەرلەر مەن ولاردىڭ وتباسىلارىنا قولايلى ءومىر ءسۇرۋ جاعدايىن قامتاماسىز ەتۋ.
العاشقى قادام رەتىندە اەس جۇمىسشىلارى تۇراتىن زاماناۋي تۇرعىن ۇيلەر سالىنۋى كەرەك. سونىمەن قاتار، الەۋمەتتىك ينفراقۇرىلىم نىساندارىن - مەكتەپتەر، بالاباقشالار، مەديسينالىق مەكەمەلەر مەن مادەني ورتالىقتار قۇرۋ جوسپارلانۋدا.
سونىمەن قاتار، اەس پەن تۇرعىن اۋداندار اراسىندا قولايلى كولىك بايلانىسىن قامتاماسىز ەتۋ ءۇشىن كولىك ينفراقۇرىلىمىنا كوڭىل بولىنەدى، سونداي-اق ساۋدا-ساتتىق نىساندارى - دۇكەندەر، مەيرامحانالار جانە دەمالىس ورىندارى دا دامىتىلادى. جاسىل ايماقتار مەن ساياباقتار سالىناتىن بولادى، بۇل قالالىق لاندشافتتى ىڭعايلى جانە ەكولوگيالىق تازا ەتۋگە كومەكتەسەدى. اتوم ەنەرگەتيكاسى سالاسىنا ماماندار دايىندايتىن ءبىلىم بەرۋ مەكەمەلەرى دە قۇرىلادى.
اتوم ەنەرگەتيكاسى – ەلىمىزدىڭ بولاشاعى مەن دامۋىنىڭ كەپىلى! اەس سالۋ جانە وعان قاجەتتى ينفراقۇرىلىمدى دامىتۋ ارقىلى ءبىز تەك ەنەرگيا ماسەلەسىن عانا شەشىپ قويماي، بولاشاق ۇرپاققا قولايلى ءومىر ءسۇرۋ ورتاسىن دا جاسايمىز.