اتوم ەلەكتر ستانسياسى سالىنسا، ەلىمىزدە يادرولىق فيزيكا عىلىمى داميدى.
سەبەبى وتاندىق وقۋ ورىندارىندا جاڭا فاكۋلتەت اشىلىپ، سالالىق ماماندار دايىندالادى. بۇل تۋرالى تالدىقورعانداعى ءىلياس جانسۇگىروۆ اتىنداعى جەتىسۋ ۋنيۆەرسيتەتىندە وتكەن جيىندا ايتىلدى، دەپ حابارلايدى aqshamnews.kz.
باسقوسۋدا وبلىستىق ءماسليحات حاتشىسى، پارتيا وكىلدەرى، عالىمدار مەن ستۋدەنتتەر ءوزارا سۇحبات قۇردى. كەزدەسۋدە جوبانىڭ ەكونوميكالىق تيىمدىلىگى تۋرالى عالىمدار دالەلدى دايەك كەلتىردى.
ايتپاي راحىمبەكوۆ، فيزيكا-ماتەماتيكا عىلىمدارىنىڭ كانديداتى، پروفەسسور: - ءبىر كگ ۋران 100 توننا كومىردى جاققانداعى ەنەرگياعا تەڭ نەمەسە 60 توننا مازۋتتى مۇنايدى جاققان كەزدەگى ەنەرگيا ەكۆيۆالەنتىنە تەپە-تەڭ. سوندىقتان دا اتوم ەلەكتر ستانسياسى ءوزىنىڭ قۋاتتتىلىعىن كورسەتە الادى جانە ۇزاق ۋاقىت ادامداردىڭ قاجەتىنە، تۇرمىسىنا قىزمەت ەتەتىنە سايكەس بولا الادى.