استانا قالاسىنىڭ ورتالىق ساياباعى ماڭىندا ەسىل وزەنىنە زەرەندى بالىق پيتومنيگىندە رەسپۋبليكالىق بيۋدجەت قاراجاتى ەسەبىنەن مەملەكەتتىك تاپسىرىس اياسىندا وسىرىلگەن 250 مىڭ بالىق شاباعى جىبەرىلدى.
بالىق جىبەرۋگە ق ر اۋىل شارۋاشىلىعى مينيسترلىگىنىڭ بالىق شارۋاشىلىعى كوميتەتىنىڭ، استانا قالاسى اكىمدىگىنىڭ، قوعامدىق ۇيىمداردىڭ، عىلىمي ۇيىمنىڭ، س.سەيفۋللين اتىنداعى قازۇاتۋ ستۋدەنتتەرىنىڭ جانە استانا تۇرعىندارىنىڭ وكىلدەرى قاتىستى، دەپ حابارلايدى aqshamnews.kz.
تابيعي سۋ قويمالارىنداعى بالىق رەسۋرستارىن ساقتاۋ جانە تۇراقتى پايدالانۋ ماقساتىندا، سونداي-اق استانا تۇرعىندارىنىڭ دەمالۋىنا رەكرەاسيالىق جاعدايلار جاساۋ ماقساتىندا جىل سايىن بالىق جىبەرۋ جۇمىستارى جۇرگىزىلەدى.
ايتا كەتەتىن جايت، بالىق شارۋاشىلىعى كاسىپورىندارى قازان ايىنىڭ سوڭىنا دەيىن ارال-سىرداريا، بالقاش-الاكول جانە ەسىل باسسەيندەرىنىڭ سۋ قويمالارىنا تاعى 15 ملن بالىق شاباعىن جىبەرۋدى جوسپارلاپ وتىر.