اتوم ەلەكتر ستانسياسى الەمنىڭ 32 ەلىندە بار. ولاردا 400-دەن استام يادرولىق رەاكتور جۇمىس ىستەپ تۇرسا، 60-سى جاڭادان سالىنىپ جاتىر.
ال الەمدەگى ەڭ قۋاتتى اتوم ەلەكتر ستانسيالارى جاپونيا، وڭتۇستىك كورەيا، فرانسيا سىندى ءبىرقاتار ەلدە ورنالاسقان.
ولاردىڭ ەڭ قۋاتتىسى - جاپونيانىڭ «كاسيۆادزاكي-كاريۆا» ستانسياسى. ول 8 مىڭ 200 مەگاۆاتت قۋات وندىرەدى. بۇل - ونداعى جەتى يادرولىق رەاكتوردىڭ جيىنتىق ەنەرگياسى.
2ء-شى ورىندا وڭتۇستىك كورەيالىق «حانۋل» اەس-ى تۇر. ونىڭ قۋاتى 7 600 مۆت-تان اسادى.
كانادانىڭ ونتاريو قالاسىندا ورنالاسقان «بريۋس» اتوم ەلەكتر ستانسياسى
3-ورىندا. 8 قىسىمدى اۋىر سۋ رەاكتورىنان 6800-گە جۋىق مۆت ەنەرگيا شىعادى.
4ء-شى ورىنداعى قىتايدىڭ «يانسزيان» ستانسياسى وڭتۇستىك جۇڭگو تەڭىزى جاعالاۋىندا ورنالاسقان. ونىڭ ەلەكتر قۋاتى 6500 مۆت-تان اسادى.
5ء-شى ورىندا – وڭتۇستىك كورەيالىق «حانبيت» اتوم ەلەكتر ستانسياسى. تازا قۋاتى - 5924 مۆت.
6-ورىندا 5700 مەگاۆاتتىق ۋكراينالىق «زاپوروجە» اەس-ى.
7ء-شى، 8ء-شى جانە 9-شى ورىندار فرانسياعا تيەسىلى. مۇندا «گراۆەلين»، «پاليۋەل» جانە «كاتتەنوم» اتتى ءۇش ءىرى يادرولىق نىسان بار.
وڭتۇستىك كورەيالىق «كوري» اتوم ەلەكتر ستانسياسى ونىنشى ورىندا تۇر.