شولپان-اتادا (قىرعىزستان) تۇركى مەملەكەتتەرى ۇيىمىنا مۇشە مەملەكەتتەردىڭ ىشكى ىستەر مينيسترلەرىنىڭ ءبىرىنشى كەڭەسى ءوتتى.
ءىس-شاراعا ازەربايجان، قازاقستان، قىرعىزستان، تۇركيا جانە وزبەكستان ىشكى ىستەر مينيسترلىكتەرىنىڭ وكىلدەرى قاتىستى. قازاقستاندىق دەلەگاسيانى ىشكى ىستەر ءمينيسترى ەرجان سادەنوۆ باسقاردى، دەپ حابارلايدى aqshamnews.kz ىشكى ىستەر مينيسترلىگىنە سىلتەمە جاساپ.
جيىن الدىندا قىرعىز رەسپۋبليكاسىنىڭ پرەزيدەنتى سادىر جاپاروۆ دەلەگاسيا باسشىلارىمەن كەزدەسىپ، قازىرگى زامانعى سىن-قاتەرلەرگە ءتيىمدى قارسى تۇرۋ ءۇشىن قۇقىق قورعاۋ ورگاندارىنىڭ ىنتىماقتاستىعىن نىعايتۋدىڭ ماڭىزىن اتاپ ءوتتى.
وتىرىستا ۇيىمعا مۇشە مەملەكەتتەردىڭ ىشكى ىستەر مينيسترلىكتەرىنىڭ بىرلەسكەن جۇمىسىنىڭ نەگىزگى ماسەلەلەرى تالقىلاندى. قىلمىسكەرلەردى ىزدەۋ، ەكسترەميزمگە، ەسىرتكى قىلمىسىنا، زاڭسىز كوشى-قون مەن كيبەرقىلمىسقا قارسى كۇرەس سياقتى نەگىزگى باعىتتار بويىنشا ىنتىماقتاستىقتىڭ تيىمدىلىگىن ارتتىرۋعا ەرەكشە نازار اۋدارىلدى.
جيىن سوڭىندا بىرلەسكەن دەكلاراسياعا قول قويىلدى.
كەزدەسۋدە سىندارلى ديالوگ قۇرىلىپ، ماڭىزدى شەشىمدەر قابىلداندى.
سونداي-اق ءىس-شارا اياسىندا قازاقستان ىشكى ىستەر ءمينيسترىنىڭ ازەربايجان جانە تۇركيا رەسپۋبليكاسى ءىىم باسشىلارىمەن ەكىجاقتى كەزدەسۋلەرى ءوتتى، وندا ۆەدومستۆوارالىق ءوزارا ءىس-قيمىلدىڭ پەرسپەكتيۆالارى ايقىندالدى.