اتباسار قالاسىنىڭ 29 جاستاعى تۇرعىنىنىڭ ۇيىنەن كريپتوۆاليۋتا جاسايتىن جابدىقتار تابىلدى، دەپ حابارلايدى اlmaty-akshamy.kz.
اقمولا وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىنشە، بيىلعى جىلعى ءساۋىردىڭ 24-ىندە اتباسار اۋداندىق پوليسيا ءبولىمىنىڭ پوليسيا قىزمەتكەرلەرى اتباسار قالاسىنىڭ 29 جاستاعى تۇرعىنىنىڭ ۇيىنەن كريپتوۆاليۋتا جاسايتىن جابدىقتاردى تاپتى. ونىڭ ىشىندە 2 دانا جۇمىس ىستەپ تۇرعان ايتماينەر ارنايى جابدىعى، سونداي-اق، ايتماينەرگە قاجەتتى 9 دانا جابدىق جانە وزگە دە قوسالقى تەحنيكالار بار.
«تابىلعان جابدىقتاردىڭ يەسى باعدارلاماشى – 29 جاستاعى جەرگىلىكتى تۇرعىن. ەر ادامنىڭ ۇيىندە كريپتوۆاليۋتا جاساپ كەلە جاتقاندىعىنا 3 اي بولعان. قازىرگى كەزدە وسىعان بايلانىستى ءىس ماتەريالدارى مەملەكەتتىك كىرىستەر باسقارماسىنا اكىمشىلىك حاتتاما تولتىرۋ ءۇشىن جولداندى»، - دەدى ۆەدومستۆودان.
ايتا كەتسەك، قىزمەتتىڭ وسى ءتۇرى (ماينينگ) بويىنشا 2022 جىلدان باستاپ قازاقستان رەسپۋبليكاسىندا تولەماقى (سيفرلىق ماينينگ ءۇشىن تولەماقى) الىنادى.