اتاۋلى الەۋمەتتىك كومەك كىمدەرگە كورسەتىلەدى؟

2024 جىلعى 1 ساۋىردەگى جاعداي بويىنشا 59،8 مىڭ وتباسىنداعى 317 مىڭ ادامعا اتاۋلى الەۋمەتتىك كومەك (بۇدان ءارى – ااك) تاعايىندالدى. بيىل وسى ماقساتقا بيۋدجەتتەن 75،9 ملرد تەڭگە قاراستىرىلعان.

بۇرىن حابارلانعانداي، ااك-نىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.

ااك مىنالاردى كوزدەيدى:

• - تابىسى وڭىرلىك ەڭ تومەن كۇنكورىس دەڭگەيىنىڭ 70% - نان اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛


• - تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1،5 اەك (5 538 تەڭگە) مولشەرىندە اي سايىنعى قوسىمشا تولەم بەرۋ. 2024 جىلعى 1 ساۋىرگە ااك الۋشىلار قاتارىنان مەكتەپ جاسىنا دەيىنگى 96،2 مىڭ بالاعا 1،6 ملرد تەڭگە سوماسىنا قوسىمشا تولەم تاعايىندالدى؛


• - جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.

قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا، اۋىل وكرۋگىنىڭ اكىمىنە سونداي-اق ەلەكتروندىق ۇكىمەت پورتالى (egov.kz) ارقىلى بەرە الادى.

بۇعان دەيىن حابارلانعانداي، سۋ تاسقىنىنا بايلانىستى تج رەجيمى جاريالانعان قالالار مەن اۋدانداردا وسى جىلدىڭ II توقسانىنا 5 مىڭ وتباسىنا اتاۋلى الەۋمەتتىك كومەكتى اۆتوماتتى تۇردە تاعايىنداۋ جۇزەگە اسىرىلدى.