قاسىم-جومارت توقايەۆتىڭ جۇمىس ساپارى سەرگەيەۆكا سۋ قويماسىن، قىزىلجار اۋدانىن جانە پەتروپاۆل قالاسىنىڭ توڭىرەگىن تىكۇشاقپەن ارالاپ كورۋدەن باستالدى، دەپ حابارلايدى اlmaty-akshamy.kz.
وبلىس اكىمى عاۋەز نۇرمۇحامبەتوۆ مەملەكەت باسشىسىنا سولتۇستىك قازاقستان وبلىسىنىڭ قىزىلجار، ەسىل، شال اقىن اۋداندارى مەن پەتروپاۆل قالاسىنداعى سۋ تاسقىنى جاعدايىن باياندادى. ءوڭىر اكىمىنىڭ ايتۋىنشا، التى اۋداندا توتەنشە جاعداي جاريالانعان. قازىرگى تاڭدا 2 مىڭنان استام تۇرعىن ءۇيدى سۋ باسقان، 10345 ادام ەۆاكۋاسيالانعان.
سۋ تاسقىنىنا قارسى شارالارعا 5270 ادام جانە 906 تەحنيكا جۇمىلدىرىلعان. حالىقتىڭ تۇرمىس-تىرشىلىگىنە قاجەتتى ينفراقۇرىلىمداردى قالپىنا كەلتىرۋ جۇمىستارى جۇرگىزىلىپ جاتىر. تابيعي اپاتتان زارداپ شەككەن ازاماتتاردىڭ ماتەريالدىق شىعىندارىن ەسەپتەۋ جانە وتەۋ جونىندە كوميسسيا قۇرىلعان.