«اتامەكەن» ۇلتتىق پالاتاسىنىڭ باسشىسى سايلاندى

رايىمبەك باتالوۆ «اتامەكەن» ق ر ۇلتتىق كاسىپكەرلەر پالاتاسى ءتورالقاسىنىڭ جاڭا ءتوراعاسى بولىپ سايلاندى، دەپ حابارلايدى Almaty-akshamy.kz 

داۋىس بەرۋ ۇلتتىق پالاتانىڭ IX كەزەكتەن تىس سەزىندە ءوتتى.

«ماعان سەنىم ارتقان بارلىق دەلەگاتتارعا العىس ايتقىم كەلەدى. پالاتانى بىرگە رەفورمالاۋ ءۇشىن بار كۇش-جىگەرىمدى سالاتىنىما كەپىلدىك بەرەمىن. ءبىز جاڭا پالاتادا بىرگە جۇمىس ىستەيتىنىمىزگە سەنىمدىمىن.  جاقسىلاپ جۇمىس ىستەيىك»، - دەدى رايىمبەك باتالوۆ ءوز سوزىندە.

بۇعان دەيىن اتالعان لاۋازىمدى تيمۋر قۇلىبايەۆ اتقارعان، 17 قاڭتاردا ونىڭ وكىلەتتىگى توقتاتىلدى.

ءدال سول كۇنى رايىمبەك باتالوۆ ۇلتتىق پالاتا ءتورالقا ءتوراعاسىنىڭ مىندەتىن اتقارۋشى بولىپ سايلاندى.

رايىمبەك باتالوۆ 1970 جىلى الماتىدا دۇنيەگە كەلگەن.

ەڭبەك ءوتىلى:

«ريددەر ينۆەست» مەتاللۋرگيا كەشەنىنىڭ باسقارۋشى ديرەكتورى؛

«نوۆودجامبۋل فوسفور زاۋىتى» حيميالىق كەشەنىنىڭ جەتەكشىسى؛

توبىل ەليەۆاتورىنىڭ، مەركىدەگى قانت زاۋىتىنىڭ، شىمكەنت جەو-3 باسقارۋشىسى؛

«رايىمبەك» ساۋدا فيرماسىنىڭ نەگىزىن قالاۋشى، «Raimbek» حولدينگى ديرەكتورلار كەڭەسىنىڭ ءتوراعاسى (1992 جىلدان).

باسقا لاۋازىمدار:

قازاقستان كاسىپكەرلەرى فورۋمى كەڭەسىنىڭ ءتوراعاسى (2002)؛

شىۇ ىسكەرلىك كەڭەسىنىڭ باسشىسى (2005)؛

ق ر ءماجىلىسى جانىنداعى قوعامدىق پالاتانىڭ مۇشەسى (2007)؛

قازاقستان سۋ استى سپورتى فەدەراسياسىنىڭ پرەزيدەنتى (2009)؛

ق ر پرەمەر-مينيسترىنىڭ توراعالىعىمەن ءبىرىڭعاي ۇيلەستىرۋ كەڭەسىنىڭ مۇشەسى، ق ر پرەزيدەنتى جانىنداعى كاسىپكەرلىك جونىندەگى كەڭەستىڭ مۇشەسى (2010 جىلدان باستاپ)؛

ەۋرازيالىق ەكونوميكالىق كوميسسيانىڭ كاسىپكەرلىك ماسەلەلەرى جونىندەگى كونسۋلتاتيۆتىك كوميتەتىنىڭ تاۋەلسىز ساراپشىسى، ماسكەۋ (2012 جىلدان باستاپ)؛

ENACTUS قازاقستان ديرەكتورلار كەڭەسىنىڭ ءتوراعاسى (09.2015 ج. باستاپ)؛

قازاقستان ۆەلوسپورت فەدەراسياسىنىڭ ءبىرىنشى ۆيسە-پرەزيدەنتى (2015 جىلدان باستاپ)؛

ازيا ۆەلوسپورت كونفەدەراسياسىنىڭ ۆيسە-پرەزيدەنتى (03.2017 ج. باستاپ)؛

قازاقستاننىڭ ۇلتتىق كاسىپكەرلەر پالاتاسى ءتورالقاسىنىڭ مۇشەسى، «اتامەكەن» ق ر ۇكپ ءتورالقا ءتوراعاسىنىڭ مىندەتىن اتقارۋشى (02.2022 ج.باستاپ).