استانادا «اتامەكەن» پالاتاسىنىڭ ءىح سەزى ءوتىپ جاتىر.
«اتامەكەن» كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ ءوز قىزمەتىنەن باس تارتتى، دەپ حابارلايدى Almaty-akshamy.kz.
«قۇرمەتتى ارىپتەستەر، وسىدان 8 جىل بۇرىن "اتامەكەندى" وزدەرىڭىزبەن بىرگە قۇردىق. ماقسات – كاسىپكەرلەردىڭ باسىن قوسىپ، «ءبىر جەڭنەن قول، ءبىر جاعادان باس شىعارۋ» ەدى. ەڭ باستىسى، بيلىك پەن بيزنەستىڭ اراسىندا التىن كوپىر بولۋ. ارينە، ۇلتتىق پالاتانىڭ قىزمەتىنە قاتىستى سىن ايتىلىپ جاتىر. ونى جاسىرمايمىز جانە سىننان قاشپايمىز»، - دەدى ابىلاي مىرزاحمەتوۆ «اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس ءىح سەزىندە.
ونىڭ ايتۋىنشا، پالاتانىڭ باستى مىندەتى - ەلدە كاسىپكەرلىكتى دامىتۋ، كاسىپ اشامىن دەگەن جاندارعا مۇمكىندىك بەرۋ.
«وڭىرلەردى ارالاپ، قولدان كەلگەنشە وزدەرىڭىزبەن بىرگە ىس-ارەكەت ەتتىك. بۇگىنگى جيىندا پىكىرلەر اشىق ايتىلىپ جاتىر. ويلارىڭىز بەن ماسەلەلەردى ەركىن كوتەرىپ جاتىرسىزدار. بۇل پالاتانىڭ اياقتان تۇرعانىن بىلدىرەدى. قازىرگى ەلدەگى جاعداي بارشاڭىزعا ءمالىم. سوڭعى 1 ايدىڭ ىشىندە ءومىرىمىز ايتارلىقتاي وزگەردى. جاڭا قازاقستاندا ءومىر ءسۇرىپ وتىرمىز. ال كاسىپكەرلەر - جاڭا قازاقستاندى دامىتۋداعى نەگىزگى كۇش. مەملەكەت باسشىسى دا كاسىپكەرلەرگە ۇلكەن ءۇمىت ارتىپ وتىر. مەن بۇگىنگى كەزەكتەن تىس سەزدىڭ الدىندا باسقارما ءتوراعاسى رەتىندە قۇزىرەتىمدى تاپسىراتىنىمدى ايتقىم كەلىپ وتىر»، - دەدى ول.
ايتا كەتەيىك، ەلوردادا «اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس ءىح سەزى ءوتىپ جاتىر.