وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى الەۋمەتتىك مەديسينالىق ساقتاندىرۋ قورى فيليالىنىڭ ديرەكتورى تىلەۋحان ابىلدايەۆ 2022 جىلدىڭ باسىنداعى جانە وتكەن جىلعى ءمامس جۇيەسىندەگى جاعداي تۋرالى ايتىپ بەردى، دەپ حابارلايدى اlmaty-akshamy.kz
مىندەتتى الەۋمەتتىك مەديسينالىق ساقتاندىرۋ اياسىندا 2022 جىلى 187 مەديسينالىق ۇيىممەن (ونىڭ 80ء-ى مەملەكەتتىك) جالپى سوماسى 213،2 ملرد تەڭگەگە شارت جاسالعانى بەلگىلى بولدى، ونىڭ ىشىندە: تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە 117،7 ملرد تەڭگە جانە ءمامس جۇيەسىندە – 95،4 ملرد تەڭگە. اعىمداعى جىلى بارلىعى 12 مەديسينالىق ۇيىم قوسىلدى.
تىلەۋحان ابىلدايەۆ اتاپ وتكەندەي، ۇلتتىق ەكونوميكا مينيسترلىگىنىڭ دەرەكتەرىنە سىلتەمە جاساي وتىرىپ، الماتى قالاسىنىڭ 2 024 989 تۇرعىنىنىڭ ىشىندە ساقتاندىرىلعان حالىقتىڭ سانى (2022 جىلعى 1 اقپانداعى جاعداي بويىنشا) 81،1%-دى قۇرادى. ساقتاندىرىلماعانداردىڭ سانى 382 940 ادامدى نەمەسە 18،9% قۇرايدى.
سپيكەر ساقتاندىرىلعان تۇرعىندارعا ءمامس الەۋەتىنىڭ ارقاسىندا بارلىق جوسپارلى، قىمبات كونسۋلتاسيالىق-دياگنوستيكالىق قىزمەتتەردىڭ قولجەتىمدى ەكەنىن ەسكە سالدى.
ت. ابىلدايەۆ 2021 جىلعى جۇمىس ناتيجەلەرى تۋرالى دا ايتىپ بەردى، وتكەن جىلى مەديسينالىق ساقتاندىرۋ قورىنان ساقتاندىرىلعان الماتىلىقتاردىڭ مەديسينالىق كومەگىن تولەۋگە شامامەن 93 ملرد تەڭگە جۇمسالدى.
«بارلىق جوسپارلى مەديسينالىق كومەك ءمامس جۇيەسى ەسەبىنەن وتەلەدى. وتكەن جىلى شىعىنداردىڭ باسىم بولىگى ستاسيونارلىق مەديسينالىق كومەكتى تولەۋگە جۇمسالدى – 48،6 ملرد تەڭگەدەن استام، تاعى 3،9 ملرد تەڭگە كۇندىزگى ستاسيونار قىزمەتتەرىن تولەۋگە باعىتتالدى»، - دەدى ت. ابىلدايەۆ.
ءامسق الماتى فيليالىنىڭ ديرەكتورى 2021 جىلدىڭ قورىتىندىسى بويىنشا جۇرگىزىلگەن قىمبات تۇراتىن تالداۋلار، دياگنوستيكا جانە وپەراسيالار سانى ايتارلىقتاي وسكەنىن، ءمامس ەنگىزىلگەنگە دەيىن حالىقتىڭ ولارعا قولجەتكىزە الماعانىن، ەندى مەديسينالىق ساقتاندىرۋ ەسەبىنەن قولجەتىمدى ەكەنىن ايتتى.
ماسەلەن، وتكەن جىلى كونسۋلتاسيالىق-دياگنوستيكالىق كومەك كورسەتكەنى ءۇشىن مەديسينالىق ۇيىمدارعا 14،5 ملرد تەڭگە تولەندى. ولاردىڭ ىشىندە ەڭ كوپ سۇرانىسقا يە كت جانە مرت. جىل ىشىندە الماتى قالاسى بويىنشا 848،1 ملن تەڭگەگە كت-نىڭ 70 مىڭنان استام قىزمەتى، شامامەن 681،8 ملن تەڭگەگە مرت-نىڭ 50 مىڭنان استام قىزمەتى جانە 1،5 ملرد تەڭگەدەن استام سوماعا پوزيتروندى-ەميسسيالىق توموگرافيانىڭ 6 مىڭنان استام قىزمەتى كورسەتىلدى.
ءمامس جۇيەسىندە كورسەتىلگەن قىزمەتتەر اراسىندا وڭالتۋ جەكە ماڭىزعا يە. وڭالتۋ كومەگىنە 6،2 ملرد تەڭگە باعىتتالدى، ونىڭ ىشىندە پوستكوۆيدتى وڭالتۋعا 222،4 ملن تەڭگە.