الماتى قالاسىنىڭ مەدەۋ اۋدانىنىڭ اكىمدىگىنىڭ مۇرىندىق بولۋىمەن «كونستيتۋسيا كۇنى» اتالىپ ءوتىلدى.
مەرەكەلىك كونسەرتكە اۋداننىڭ بەلگىلى ازاماتتارى، ءانشى ءبيشى ونەرپازدار، قالا تۇرعىندارى مەن قوناقتارى جانە ت.ب. قاتىستى.
ءىس-شارانىڭ نەگىزگى ماقساتى - قازاقستان رەسپۋبليكاسى كونستيتۋسياسىنىڭ قادىر-قاسيەتىن قوعام الدىنا ارتتىرۋ. سونداي-اق سيمۆوليكالىق ءمان-ماعىناسىن كۇشەيتە ءتۇسۋ بولىپ تابىلادى.
سونىمەن قاتار كونسەرتتىك باعدارلاما شەڭبەرىندە اسكەري ۇلاندار مەملەكەتتىك تۋدى ساحناعا الىپ شىقتى، ونەرلى جاندار بار ونەرلەرىن ورتاعا سالدى، جىلى لەبىزدەر ايتىلدى.
«اۋەلى بارشاڭىزدى ۇلىق مەرەكەمەن قۇتتىقتاپ، بارشاڭىزعا تابىس، باقىت تىلەيمىن. اۋدانىمىزدا ءبىرقاتار جاندار العىس حاتپەن ماراپاتتالدى. ورتالىق مۋزەيىندە بالالارعا ەكسكۋرسيا ۇيىمداستىردى. سونىمەن بىرگە اتا زاڭنىڭ ايبىنى اسقاقتاي بەرسىن»، - دەدى مەدەۋ اۋدانىنىڭ مادەنيەت جانە تىلدەردى دامىتۋ ءبولىمىنىڭ باسشىسى ايدار ايداربەكوۆ.
اۋدان جاستارى دا قالىس قالماي مەرەكەلىك كونسەرتكە ءوز ۇلەسىن قوستى. يگى تىلەكتەرىن جەتكىزدى.
«ءبىزدىڭ اتا زاڭنىڭ قابىلدانعانىنا 28 جىل تولدى. سودان بەرى قوعامدىق سانانى جاڭعىرتۋدا، ەل ىرگەسىن نىعايتۋدا بار يگىلىگىن بەرىپ كەلەدى. قازاق ەلىنىڭ الار اسۋى الدا بولسىن»، - دەدى كونسەرتتى جۇرگىزگەن جانعالي مارات ۇلى.