الماتىنىڭ ب ا ق وكىلدەرىنەن قۇرالعان كوماندالار قالا كۇنىنە وراي بوۋلينگتەن تۋرنيرگە قاتىستى
التى رەداكسيانىڭ جۋرناليستەرى مەن الماتى قالاسىنىڭ باسپا ءسوز حاتشىلارى بوۋلينگتەن جارىسقا ءتۇستى.
ءىس-شارا قالاداعى كلۋبتاردىڭ بىرىندە وڭىرلىك كوممۋنيكاسيالار قىزمەتىنىڭ باستاماسىمەن ۇيىمداستىرىلدى، دەپ حابارلايدى Almaty-akshamy.kz.
تۋرنيرگە تمد جانە ەۋروپا ەلدەرى تۋرنيرلەرىنىڭ جۇلدەگەرى، ق ر سپورت شەبەرى ماحمۇت ىسقاقوۆ تورەلىك ەتتى. ول جۋرناليستەرگە كلاسسيكالىق بوۋلينگ ەرەجەلەرىن ءتۇسىندىردى. بۇل جولى Alash media group، «نەدەليا سپورتا»، «Nur.kz» اقپاراتتىق اگەنتتىكتەرىنىڭ، «الماتى» تەلەارنا، «ۆەچەرنيي الماتى» جانە «الماتى اقشامى» گازەتتەرىنىڭ جۋرناليستەرى، سونداي-اق باسپا ءسوز حاتشىلارىنىڭ قۇراماسى كامەرا، ديكتوفون، قويىن داپتەرلەرى مەن قالامدارىن سالماقتى شارلارعا اۋىستىردى.
بەس ساعات بويى بوۋلينگ اۋەسقويلارى سپورتتىق ويىنعا قاتىسىپ، بوۋلينگ كەگەلدەردى قاعىپ، ۇپاي جينادى. الماتى قالاسىنىڭ وڭىرلىك كوممۋنيكاسيالار قىزمەتىنىڭ باسشىسى بالسۇلۋ الەكەنوۆا اتاپ وتكەندەي، بوۋلينگ بويىنشا تۋرنير العاش رەت وتكىزىلىپ وتىر، بيىل ول الداعى قالا كۇنىنە ارنالعان.
«بىلتىر بيليارد ءتۋرنيرىن وتكىزۋ كەزىندە بىزدە بوۋلينگ جارىستارىن وتكىزۋ يدەياسى پايدا بولدى. كوپتەگەن جۋرناليستەر بوۋلينگتى جاقسى وينايتىندارىن ايتقان بولاتىن. ءبىز 2023 جىلى ب ا ق اراسىندا دوستىق ءتۋرنيرىن وتكىزۋدى شەشتىك. سونداي-اق، وسى سەنبىدە جۋرناليستەر مەن بلوگەرلەر اراسىندا فۋتبولدان تۋرنير وتكىزۋ جوسپارلانۋدا. وسىلايشا، جۋرناليستەر بەيرەسمي جاعدايدا كەزدەسۋگە مۇمكىندىك الادى، سپورتتىڭ دامۋىنا ىقپال ەتەدى، جاعىمدى ەموسيالار الادى جانە جۇمىستان ءسال دە بولسا باس الىپ، ارىپتەستەرىمەن تانىسۋعا مۇمكىندىك الادى»، - دەيدى ب.الەكەنوۆا.
تاجىريبەلى سۋديانىڭ قاداعالاۋىمەن العاشقى ويىندار ماراپاتتار ءۇشىن كۇرەس ماڭىزدى بولاتىنىن كورسەتتى. بارلىعى سترايك الۋعا تىرىستى جانە بۇل كوبىنىڭ قولىنان كەلدى.
وينالعان فرەيمدەردىڭ قورىتىندىسى بويىنشا ورىندار كەلەسىدەي ءبولىندى:
1 ورىن - Alatau Aqparat، 2 ورىن - "الماتى" تەلەارناسى، 3 ورىن - "نەدەليا سپورتا". ۇزدىك ويىنشىلار ايدا اميركۋلوۆا، "الماتى" تەلەارناسى، نۋرلان ابيلدين، Alatau aqparat.
تۋرنير جۇلدەگەرلەرى ديپلومدار مەن سىيلىق سەرتيفيكاتتارىن الدى.