الماتىداعى وڭىرلىك كوممۋنيكاسيالار قىزمەتى الاڭىندا 30 تامىز – كونستيتۋسيا كۇنىنە وراي باسپا ءسوز ءماسليحاتى ءوتتى. وعان الماتى قالاسى مامانداندىرىلعان اۋدانارالىق اكىمشىلىك سوتىنىڭ سۋدياسى ۇلان قاجىكەن مەن الماتى قالالىق سوتىنىڭ سۋدياسى رۋسلان بايشيەۆ قاتىستى، دەپ حابارلايدى اlmaty-akshamy.kz.
ۇلان قاجىكەننىڭ ايتۋىنشا، كونستيتۋسيادا سوت بيلىگى تۋرالى تاراۋ ايىرىقشا ورىنعا يە. ويتكەنى بيلىكتەردىڭ ءبولۋ پرينسيپتەرىنە سايكەس، سوت بيلىگىن بەلگىلەۋ- بۇل ازاماتتاردىڭ، مەملەكەتتىك ورگانداردىڭ، ۇيىمداردىڭ قۇقىقتارىن، بوستاندىقتارىن جانە زاڭدى مۇددەلەرىن قورعاپ، كونستيتۋسيانى، زاڭداردى، باسقا نورماتيۆتىك اكتىلەردى جانە قازاقستان رەسپۋبليكاسىنىڭ حالىقارالىق كەلىسىمشارتتارىن ورىنداۋدى قامتاماسىز ەتۋ.
«سوتتاردىڭ نەگىزگى قىزمەتى ءادىل سوتتى جۇزەگە اسىرۋ بولىپ تابىلاتىنىن اتاپ كەتۋ قاجەت. ءادىل سوت - زاڭدىلىقتى، نەگىزدىلىكتى جانە سوت شەشىمدەرىنىڭ جالپىلاي مىندەتتىلىگىن قامتاماسىز ەتەتىن تارتىپتە ازاماتتىق جانە قىلمىستىق ىستەردى قاراۋ بويىنشا سوتپەن جۇزەگە اسىرىلاتىن مەملەكەتتىك ىس-ارەكەتتىڭ ءتۇرى»، - دەدى سۋديا.
بيلىكتەردى ءبولۋدىڭ كونستيتۋسيالىق ءپرينسيپى ادامنىڭ جانە ازاماتتىڭ قۇقىقتارىن جانە بوستاندىقتارىن بۇكىل الەمدىك قورعاۋ كىلتىندە ءارى قارايعى رەفورمالاردىڭ قاجەتتىلىگىن ۇسىنادى. سونىمەن قاتار، مەدياسيا ءراسىمىن نەمەسە داۋلاردى بالاما رەتتەۋدى پەرسپەكتيۆتى باعىتتاردىڭ ءبىرى رەتىندە كورسەتۋگە بولادى. ول سۋديالاردىڭ جۇمىس جۇكتەمەسىن ازايتۋعا جانە قوعامداعى قاقتىعىستاردى سوتتان تىس شەشۋگە باعىتتالعان. سوندىقتان الداعى ۋاقىتتا مەدياسيا وزەكتى بولماق دەپ كۇتىلۋدە.
«باعىتتاردىڭ ءبىرى سوت پروسەسىندە جاڭا تەحنولوگيالاردى قولدانۋ بولىپ تابىلادى. بۇل اقپاراتتىق جاڭاشىلدىق سوت ءوندىرىسىن ءارى قاراي جەتىلدىرۋدى كوزدەيدى. اتالعان سالادا ولاردىڭ دامۋى ەكى جاقتى مانگە يە: ولار ازاماتتاردىڭ ءادىل سوتقا قول جەتىمدىلىگىن جەڭىلدەتەدى، ال ەكىنشى جاعىنان سوتتاردىڭ جۇمىسىن جەڭىلدەتەدى، بيۋروكراتيانىڭ جانە قاعازباستىلىقتىڭ الدىن الادى. جالپى العاندا، اقپاراتتىق تەحنولوگيانى دامىتۋ ءادىل سوتتى جۇزەگە اسىرۋدىڭ اشىقتىعىنا قول جەتكىزۋگە باعىتتالعان. اقپاراتتىق تەحنولوگيانىڭ قارقىندى دامۋى كەزىندە ەلەكتروندى ءادىل سوتتى دامىتۋ دا وزەكتى جانە بولاشاقتا كوز جەتەرلىك بولماق»، - دەدى ۇ.قاجىكەن
قازاقستاندا ءادىل سوتتى دامىتۋدىڭ جانە جەتىلدىرۋدىڭ وسى جانە باسقا دا وزەكتى باعىتتارى تۇبىندە ءارى قاراي ءادىل سوتتى وڭتايلاندىرۋ، بارلىق ازاماتتارعا ءادىل سوتقا تەڭدەي قول جەتىمدىكتەرىن قامتاماسىز ەتۋ ءۇشىن وسىنداي جاعدايلار قۇرىپ، ازاماتتاردىڭ كونستيتۋسيالىق قۇقىقتارىن، ەركىندىكتەرىن جانە زاڭدى مۇددەلەرىن قورعاۋ بويىنشا مىندەتتەردى تولىق اۋقىمدا ورىنداۋ ماقساتىن كوزدەيدى. ءادىل سوتتى جۇزەگە اسىرۋ قۇقىقتىق جانە دەموكراتيالىق مەملەكەتتىڭ تالاپتارىنا جاۋاپ بەرۋى الەمدىك سوت تاجىريبەسىندە حالىقارالىق تاجىريبەنىڭ الدىڭعى جەتىستىكتەرىن ەسكەرە وتىرىپ، ۋاقىتتىڭ ۇندەۋىن، قوعامنىڭ قاجەتتىلىگىن ۋاقىتىلى ەلەپ-ەسكەرۋى ءتيىس.
سپيكەر ءسوزىن قورىتىندىلاي كەلە، كازىرگى زامانعى قازاقستاندىق سوت جۇيەسى جەتىلۋ ساتىسىندا، ءارى قاراي سۋديالاردىڭ كاسىبي دەڭگەيىن ارتتىرۋمەن، كۇشتى جانە دەربەس سوت بيلىگىن قالىپتاستىرۋ، سوت بەدەلىن جانە وعان قوعامنىڭ سەنىمىن قالىپتاستىرۋ، قوعامنىڭ قۇقىقتىق ساناسىن ارتتىرۋ بويىنشا جۇمىس جاساۋ قاجەتتىگىن ايتتى.