ۆيسە-پرەمەر ءومىرزاق شوكەيەۆتىڭ وتستاۆكا تۋرالى وتىنىشىنە پىكىر ءبىلدىردى
ق ر پرەمەر-مينيسترىنىڭ ءبىرىنشى ورىنباسارى رومان سكليار تۇركىستان وبلىسىنىڭ اكىمى ءومىرزاق شوكەيەۆتىڭ وتستاۆكا تۋرالى وتىنىشىنە پىكىر ءبىلدىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ءومىرزاق ەستاي ۇلى تاجىريبەلى باسشى، ۇزاق ۋاقىت بويى مەملەكەتتىك قىزمەتتىڭ ءتۇرلى قۇرىلىمدارىن باسقارىپ كەلدى. ونى راسىندا دا ماڭىزدى ساياسي تۇلعا دەپ اتاۋعا بولادى»، - دەدى رومان سكليار ۇكىمەت كۋلۋارىندا تىلشىلەرگە بەرگەن سۇحباتىندا.
ۆيسە-پرەمەر ءومىرزاق شوكەيەۆتىڭ قابىلداعان شەشىمىن وتە دۇرىس جانە زاڭدى دەپ اتادى.
«مەملەكەتتىك قىزمەت تۋرالى زاڭدا قاراماعىنداعى قىزمەتكەردىڭ كىناسى دالەلدەنگەن جاعدايدا، تىكەلەي باسشىنىڭ وتستاۆكاعا كەتۋ تۋرالى ءوتىنىش بەرەتىنى جازىلعان، ونى جوعارى تۇرعان باسشى قابىلدايدى نەمەسە كەرى قايتارادى. سوندىقتان ءومىرزاق شوكەيەۆتىڭ ارەكەتى وتە قيسىندى جانە دۇرىس»، - دەدى رومان سكليار.