مەملەكەت باسشىسى بيىلعى 1 قىركۇيەكتەگى قازاقستان حالقىنا جولداۋىندا 2025 جىلدى جۇمىسشى ماماندىقتار جىلى دەپ جاريالادى.
ءداستۇر بويىنشا ەكونوميكانىڭ كوپتەگەن سالالارىندا ءوز وتباسىلارىندا كاسىبي داعدىلاردى ۇرپاقتان-ۇرپاققا بەرەتىن ەڭبەك اۋلەتتەرى قالىپتاسۋدا.
رەسپۋبليكامىزدا وسىنداي جۇزدەگەن اۋلەتتەر بار، ولاردىڭ ىشىندەگى ەڭ ىرىلەرىنىڭ جالپى ەڭبەك ءوتىلى 3،3 مىڭ جىلدان اسقان، دەپ حابارلايدى aqshamnews.kz.
3،4،5 جانە ودان دا كوپ بۋىن بويىنا ونداعان مىڭ ەڭبەك ساعاتتارىندا جيناقتالعان تاجىريبەنى وتاندىق ماماندار جيناقتاپ، ءوز ۇرپاعىنا اماناتتايدى. قازاقستاندا ءوز ءومىرىن بەلگىلى ءبىر كاسىپكە ارناعان اۋلەتتەرگە ەرەكشە قۇرمەتپەن قارايدى.
ماسەلەن، ق ر ەڭبەك جانە حالىقتى الەۋمەتتىك قورعاۋ مينيسترلىگى 2016 جىلدان باستاپ جىل سايىن ەڭبەك كۇنىن مەرەكەلەۋگە جانە «ەڭبەك ادامىن» قۇرمەتتەۋگە ورايلاستىرىلعان «ەڭبەك جولى» رەسپۋبليكالىق كونكۋرسىن وتكىزەدى، ول ناتيجەلى ەڭبەكتى ىنتالاندىرۋعا، جاستار اراسىندا جۇمىسشى ماماندىقتاردى كەڭىنەن ناسيحاتتاۋعا جانە جۇمىسشى اۋلەتتەردىڭ كوپجىلدىق داستۇرلەرىن نىعايتۋعا باعىتتالعان.
ءار جىلدارى بايقاۋدا ءتۇرلى سالالار مەن كاسىپورىنداردىڭ جۇمىسكەرلەرى ماراپاتتالادى.
مىسالى، 2022 جىلى تۋكۋبايەۆتار اۋلەتى ماراپاتتالدى – ولاردىڭ جالپى ەڭبەك ءوتىلى 600 جىلعا جۋىق. اۋلەتتىڭ نەگىزىن قالاۋشىلار وتكەن عاسىردىڭ 30-جىلدارىندا تەمىرجول سالاسىندا ەڭبەك ەتە باستاعان، ولار تۇركىستان-سىبىر ماگيسترالىنىڭ قۇرىلىسىنا قاتىسقان.
وتكەن جىلى تاعى ءبىر «تەمىرجولشىلار» اۋلەتى – امانگەلديندەر وتباسى اتاپ ءوتىلدى. 4 ۇرپاق تەمىرجولدا جارتى مىڭ جىلدان استام جۇمىس تاجىريبەسىن جيناقتاپ، بىرنەشە رەت ءتۇرلى كەڭەستىك جانە قازاقستاندىق ناگرادالاردىڭ، وردەندەر مەن مەدالداردىڭ يەگەرلەرى اتاندى.
تاعى ءبىر ەرەكشە مىسال – قۇرمانعالييەۆتەر وتباسى. ولاردىڭ ەڭبەك اۋلەتى ماراپاتتاۋ كەزىندە ورمان شارۋاشىلىعى سالاسىندا 458 جىلعا جۋىق ەڭبەك ءوتىلىن «جيناعانى» جانە ءتورت بۋىندا 25 وكىلدەن تۇراتىنى ايتىلدى.
سونداي-اق، «ەكىباستۇز گرەس-2 ستانسياسى» اق-دا ەڭبەك ەتە وتىرىپ، پاۆلودار وبلىسىندا ەلەكتر ەنەرگياسىن ءوندىرۋدىڭ تۇراقتىلىعىن قامتاماسىز ەتۋگە 3 ۇرپاق بويى اتسالىسىپ كەلە جاتقان سەيتجانوۆتار اۋلەتىن اتاپ وتۋگە بولادى. ولاردىڭ جيىنتىق ەڭبەك ءوتىلى 200 جىلعا جۋىقتادى.