بالالارىڭىزدى ءقاۋىپتى جاعدايدا قالدىرماڭىزدار!
قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ اتا-انالارعا ارنالعان ۇندەۋى جاريالاندى، دەپ حابارلايدى Almaty-akshamy.kz.
قۇرمەتتى اتا-انالار! بالالار - ءارقايسىمىزدىڭ ومىرىمىزدەگى ەڭ قىمبات بايلىعىمىز. بۇل ەشقانداي ءتۇسىندىرۋدى قاجەت ەتپەيتىن اكسيوما. سوندىقتان، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا سىزدەردەن جاس بالالاردى قاراۋسىز جانە ولاردىڭ دەنساۋلىعى مەن ومىرىنە ءقاۋىپ توندىرەتىن جاعدايلاردا قالدىرماۋدى سۇرايدى.
سوڭعى كەزدەرى جازاتايىم وقيعالار مەن قىلمىستاردىڭ سالدارىنان قازا تاپقان جانە زارداپ شەككەن بالالار تۋرالى جاڭالىقتار كوبەيۋدە. ءاربىر فاكت – ۇلكەن قاسىرەت، ءبىز ولاردىڭ الدىن الا الامىز، الدىن الۋىمىز كەرەك جانە الدىن الۋعا مىندەتتىمىز.
ءوز كەزەگىندە ۇلتتىق كوميسسيا اتا-انالار ءۇشىن ءوز بالالارىن تاربيەلەۋمەن كوبىرەك اينالىسۋعا، جاۋاپتى اتا-انا مادەنيەتىن ىلگەرىلەتۋگە، سونداي-اق بالالاردىڭ ءومىرى مەن دەنساۋلىعىنا جاۋاپتى قۇرىلىمداردىڭ قىزمەتىنە قوعامدىق باقىلاۋدى قامتاماسىز ەتۋگە مۇمكىندىك بەرەتىن قۇقىقتىق ورتانى دامىتۋ جونىندە شارالار قابىلداۋعا نيەتتى.
ءقازىر دەمالىس، بەلسەندى دەمالۋ، ونىڭ ىشىندە سۋ ماڭىندا دەمالۋ كەزەڭىنە سايكەس كەلەتىن ءداستۇرلى جازعى دەمالىس ۋاقىتى. ونىڭ ۇستىنە بۇل كۇندەرى كوشەدە كۇن ىستىق، سونىڭ كەسىرىنەن كوپقاباتتى پاتەرلەردىڭ تەرەزەلەرىن اشىق قالدىرۋشىلار كوپ. بۇعان قوسا، ەلىمىزدىڭ تۇكپىر-تۇكپىرىندە مىڭداعان بالا كۇندىزگى ۋاقىتتا وزدەرىمەن-وزدەرى قالىپ قويادى.
بالالارىڭىزدى ءقاۋىپتى جاعدايدا قالدىرماڭىزدار! سەرگەك جانە جاۋاپتى بولىڭىزدار! بالالارىڭىزدىڭ قاۋىپسىزدىگى سىزدەرگە بايلانىستى!، - دەلىنگەن ۇندەۋدە.