اتا-انالارىنىڭ «ءقاۋىپسىز» ستاتۋسى بار بالالار ەركىن كىرە الادى.
Ashyq جۇيەسىنە قاتىساتىن نىساندارعا بالالاردىڭ كىرۋ ءتارتىبىن سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ءتۇسىندىردى، دەپ حابارلايدى اlmaty-akshamy.kz
«Ashyq جۇيەسىنە ەنگەن نىساندارعا 12 جاسقا تولماعان بالالار اتا-اناسىنىڭ جەتەگىنسىز كوپ بارا بەرمەيدى. ال اتا-انالارىنىڭ «ءقاۋىپسىز» ستاتۋسى بولسا، بالالارى دا ەركىن كىرە الادى. ال اتالمىش نىساندارعا اتا-اناسىنسىز باراتىن، 12-دەن اسقان بالالار ءۇشىن ەرىكتى پتر تەست جۇيەسى بار. بيزنەس نىساندارىنىڭ وزدەرى بالالاردىڭ Ashyq جۇيەسىندەگى ستاتۋسىن انىقتاۋ تۋرالى مىندەتتى تالاپ قويىپ جاتقان جايتتار بار. سوندىقتان 12 جاسقا دەيىنگى بالالاردان Ashyq جۇيەسىندە ستاتۋسىن انىقتاۋ تالاپ ەتىلمەيدى. ودان ۇلكەن بالالاردان ەرىكتى تۇردە ىسكە اسىرىلادى»، - دەدى كوميتەت باسشىسى.
ونىڭ ايتۋىنشا، سوڭعى كەزدە بالالار كوروناۆيرۋسپەن بۇرىنعىدان ءجيى اۋىراتىن بولعان. دەگەنمەن، بۇل ولاردى اتا-انالارىنىڭ كەلىسىمىنسىز ۆاكسينالاۋعا نەگىز بولا المايدى.
"بالالاردىڭ قۇقىقتارى تۋرالى "زاڭ بويىنشا، بالالارعا قاتىستى دۇنيەنىڭ ءبارى اتا-انانىڭ رۇقساتىمەن جاسالۋى كەرەك. ياعني، 18-گە دەيىنگى بالالاردىڭ اتا-انالارىنان نەمەسە وكىلدەرىنەن كەلىسىم الۋ مىندەتتى. سوندىقتان وسىنداي ءتارتىپ بويىنشا جۇمىس ىستەپ جاتىرمىز»، - دەدى ايجان ەسماعامبەتوۆا.