جامبىل وبلىسىندا اسىراپ العان ۇلىن ءولتىردى دەگەن كۇدىكپەن 35 جاستاعى ەر ادام ۇستالدى، دەپ حابارلايدى aqshamnews.kz ءتىلشىسى.
الدىن الا مالىمەتكە سايكەس، 10 جاستاعى بالا قاتتى سوققىعا جىعىلعاننان كەيىن كوز جۇمعان. قايعىلى وقيعا تالاس اۋدانىندا بولعان.
بەلگىلى بولعانداي، بۇل وتباسى جۋالى اۋدانىندا تۇرادى جانە تاعى ءتورت اسىراپ العان بالانى تاربيەلەپ وتىر. وقيعا كەزىندە ولاردىڭ تالاس اۋدانىندا بولعانى انىقتالدى. قازىرگى تاڭدا تەرگەۋ توبى وتباسىنىڭ باسقا اۋداندا بولۋ سەبەپتەرىن انىقتاپ جاتىر.
ءقازىر كۇدىكتى قاماۋعا الىنعان. الايدا ءتيىستى ورگاندار بۇل ىسكە قاتىستى رەسمي تۇسىنىكتەمە بەرۋدەن باس تارتتى.