ق ر ءىىم م.ەسبولاتوۆ اتىنداعى الماتى اكادەمياسى بازاسىندا ىشكى ىستەر ءمينيسترىنىڭ اۋىسپالى كۋبوگى جولىندا پەتانكتەن پوليسيا قىزمەتكەرلەرى مەن ب ا ق وكىلدەرى اراسىندا ءبىرىنشى رەسپۋبليكالىق تۋرنير ءوتتى.
ساپ تۇزەگەن قاتىسۋشىلار الدىندا «دينامو» دەنەشىنىقتىرۋ سپورت قوعامى ءتوراعاسىنىڭ ءبىرىنشى ورىنباسارى اسقار ومارقۇلوۆ ءتۋرنيردى سالتاناتتى تۇردە اشىپ: «ءىىم اكادەمياسى بازاسىندا پەتانكتەن وتكىزىپ وتىرعان ىشكى ىستەر ءمينيسترىنىڭ اۋىسپالى كۋبوگى جولىنداعى كوماندالىق بىرىنشىلىكتىڭ ماقساتى – اتالعان سپورت ءتۇرىن تانىتۋ، سپورتتىق يكەمدىلىكتى جەتىلدىرۋ، جەڭىمپازدى انىقتاۋمەن بىرگە، ءتىلشى قاۋىم مەن قۇقىق قورعاۋ قىزمەتكەرلەرى اراسىنداعى ءوزارا ىنتىماقتى ارتتىرۋ»، – دەپ ويىنشىلارعا ساتتىلىك تىلەدى.
پەتانك (فرانسۋزشا «رetanque») – سوزبە-سوز اۋدارعاندا، «پروۆانس پەد تانكو» – «قاققان قازىقتاي» دەگەن ماعىنانى بىلدىرەدى. ويتكەنى، ويىنشى دوپتى لاقتىرعان كەزدە دوپ جەرگە تيمەيىنشە اياعىن جەردەن الماۋى كەرەك. تارتىستى بىرىنشىلىككە ءتورت كوماندا: «Alatau اqparat»، الاڭ يەلەرى، «دينامو» دسق، «ۆرەميا» گازەتىنىڭ «اكۋلى پەرا» ويىنشىلارى قاتىستى. ويىن شارتى بويىنشا 15ح4 م الاڭدا كوماندا ويىنشىلارى كەزەك-كەزەك مەتالل شارلاردى، (سالماعى – 800 گ) دوپتى كىشكەنتاي رەزەڭكە كوشونەت-شار (ديامەترى 30 مم) جانىنا مۇمكىندىگىنشە جاقىن لاقتىرۋعا تىرىستى.
ءتىپتى، مەتالل-دوپ كوشونەتكە ءتيىپ كەتىپ، قارسىلاستىڭ دوبىن ىسىرىپ تاستاعان جاعداي ءجيى بولدى. «دينامو» دسق ويىنشىلارىنىڭ شەبەرلىگى كوزگە ۇرىپ تۇردى. ويىن وسىنىسىمەن دە قىزىقتى ءوتتى. تارتىستى ويىندار سوڭىندا كوماندانىڭ ءبىر نە بىرنەشە شارى قارسىلاستىڭ شارلارىنا قاراعاندا كوشونەتكە ءبىرتابان جاقىن بولۋى جەڭىسكە جەتەلەدى. ويىن بارىسىندا ءار وسىنداي دوپ ءبىر ۇپايدان كوماندا قورجىنىنا قۇيىلىپ جاتتى. سايىسقا پەتانكتەن ق ر سپورت شەبەرلىگىنە كانديدات و.سوي قازىلىق ەتتى.
تارتىستى باسەكەدە اۋىسپالى كۋبوكتى «دينامو» دسق يەلەندى، ەكىنشى جۇلدە الاڭ يەلەرىنە بۇيىردى. جارىس جۇلدەگەرلەرى، ويىنعا قاتىسۋشىلار ارنايى سىيلىقپەن، سەرتيفيكاتپەن ماراپاتتالدى. پەتانك – يكەمدىلىك، ەپتىلىك پەن مەرگەندىككە ماشىقتاندىراتىن قازاقتىڭ ۇلتتىق سپورت ءتۇرى اسىق اتۋعا ۇقساس ويىن. الدا «دينامو» دسق-ىنىڭ 100 جىلدىق مەرەكەسى، ت.ب. مەرەيلى مەرەكەلەر بار. وسىنداي ءباسى بيىك سپورتتىق سىنداردا اسىق اتۋعا ماشىقتانعان «Alatau اqparat» كومانداسى بيىك مەجەدەن تابىلارىنا سەنىمدىمىز.
