الماتى مۋزىكالىق كوللەدجىندە ورنالاسقان №64 سايلاۋ ۋچاسكەسىندە تاڭەرتەڭنەن باستاپ ازاماتتاردىڭ رەفەرەندۋمعا قاتىسۋعا بەلسەندىلىگى بايقالدى. العاش بولىپ داۋىس بەرگەن قوعام قايراتكەرى اسىلى وسمان بولدى. وعان وسىعان وراي ءداستۇرلى پيالا مەن ۇلتتىق ورامال سىيعا تارتىلدى، دەپ حابارلايدى aqshamnews.kz.
– بۇگىن ءبىز ماڭىزدى تاڭداۋدىڭ الدىندا تۇرمىز، ول ءبىزدىڭ بولاشاعىمىزدى ايقىندايدى. مەن ءاربىر قازاقستاندىقتى وسى پروسەسكە سانالى تۇردە قاراۋعا شاقىرامىن. بارلىق ازاماتتارىمىز رەفەرەندۋمعا بەلسەندى قاتىسىپ، ەلىمىزدىڭ وركەندەۋى ءۇشىن ءوز تاڭداۋىن جاسايدى دەپ ۇمىتتەنەمىن، – دەپ اسىلى وسمان ءوز ويىمەن ءبولىستى.
سونىمەن قاتار، اسىلى وسمان اەس قۇرىلىسى ماسەلەسىندە حالىقتىڭ بىرلىگى مەن بەلسەندىلىگى ماڭىزدى ەكەنىن، بۇل قادام ەلىمىزدىڭ ەنەرگيا تاۋەلسىزدىگىن قامتاماسىز ەتىپ، ەكونوميكالىق تۇراقتىلىققا جول اشاتىنىن اتاپ ءوتتى. ءاربىر داۋىس ەلىمىزدىڭ بولاشاعىن قالىپتاستىرۋعا ءوز ۇلەسىن قوسادى.