بۇگىن سايلاۋ ۋچاسكەسىنە ساعات 7:15-تە كەلىپ، ەڭ ءبىرىنشى داۋىس بەرگەن «كوكتەم-1» ىقشاماۋدانىنىڭ تۇرعىنى گۇلجان ۋتەگەنوۆا بولدى.
aqshamnews.kz تىلشىسىمەن تىلدەسكەن گۇلجان ۋتەگەنوۆا بۇل ءىس-شارانىڭ ماڭىزدىلىعىن تەرەڭ تۇسىنەمىن دەيدى.
«قازاقستاندىقتار بۇل رەفەرەندۋمنان ۇلكەن ءۇمىت كۇتىپ وتىر. ەل ءۇشىن، بولاشاق ءۇشىن جاقسى وزگەرىستەر بولادى دەپ سەنەمىن. مەنىڭ دە داۋىسىمنىڭ ماڭىزدى ەكەنىن سەزىنگەن سوڭ، ەرتەرەك كەلىپ داۋىس بەرىپ جاتىرمىن»،-دەيدى گۇلجان ۋتەگەنوۆا.
ۋچاسكەلىك سايلاۋ كوميسسياسىنىڭ ءتوراعاسى مەدەت قاسىمبايەۆتىڭ ايتۋىنشا، ۋچاسكەدە 2332 سايلاۋشى بار. ولاردىڭ ەڭ جاسى ادەتتەگىشە 18-دە، ەڭ قارت سايلاۋشىنىڭ جاسى – 84-تە.
ايتا كەتەيىك، الماتىدا سايلاۋ ۋچاسكەلەرىندە داۋىس بەرۋ جەرگىلىكتى ۋاقىت بويىنشا ساعات 07:00-دەن 20:00-گە دەيىن جۇرگىزىلەدى.