ۆيسە-پرەمەر سەرىك جۇمانعارين ەنەرگەتيكا مينيسترلىگىنە استىقتى كەپتىرۋ ءۇشىن وڭىرلەردى ديزەل وتىنىمەن جانە سۇيىتىلعان گازبەن قامتاماسىز ەتۋدى تاپسىردى، دەپ حابارلايدى aqshamnews.kz.
التى وبلىستىڭ – اقمولا، قوستاناي، قاراعاندى، شقو، سقو جانە پاۆلودار فەرمەرلەرى كەپتىرۋ اگرەگاتتارى ءۇشىن قوسىمشا 67،7 مىڭ توننا ديزەل وتىنىن جانە 21،5 مىڭ توننا سۇيىتىلعان گازدى بولۋگە 495 ءوتىنىم بەردى. اۋىل شارۋاشىلىعى ۆيسە-مينيسترى ازات سۇلتانوۆ اتاپ وتكەندەي، وڭىرلەردە بارلىعى 1 301 استىق كەپتىرۋ اگرەگاتى بار، ونىڭ ىشىندە ديزەل وتىنىمەن 1 043 (80%)، سۇيىتىلعان گازبەن - 258 (20%) جۇمىس ىستەيدى.
استىق كەپتىرگىشتەردىڭ ەداۋىر سانىنا قاراماستان، سولتۇستىك ايماقتاردا تاعى 76 قوندىرعىعا قاجەتتىلىك بار. جەدەلشتابتا اۋىل شارۋاشىلىعى ونىمدەرى ءۇشىن كەپتىرگىشتەردى ساتىپ الۋعا شىعىنداردىڭ 30% - نا دەيىن وتەۋ بويىنشا ينۆەستيسيالىق سۋبسيديالاۋ كوزدەلگەنىن اتاپ ءوتتى.
ءوز تاراپىنان “قازاگروقارجى" فەرمەرلەرگە كەپتىرۋ اگرەگاتورلارىن ليزينگكە بەرۋ ءۇشىن قاجەتتى ءىس-شارالار وتكىزدى. ءبىراق ولارعا ءالى وتىنىشتەر تۇسكەن جوق.
ءداندى داقىلداردىڭ نەگىزگى جينالۋى كۇزگە دەيىن سوزىلاتىندىعىن ەسكەرە وتىرىپ، ۋاقتىلى ءوتىنىش بەرگەن كەزدە كەپتىرۋ قوندىرعىلارى ەگىن جيناۋ ناۋقانىنىڭ ورتاسىندا تاپسىرىس بەرۋشىلەرگە كەلە الادى.
كولىك مينيسترلىگى استىقتى ەكسپورتقا جانە ەل ىشىندە تاسىمالداۋ بويىنشا جەدەل شتاب قۇرۋ تۋرالى حابارلادى. مەملەكەتتىك ورگانداردان، اكىمدىكتەردەن جانە قتج-دان باسقا، جەدەلشتابقا قاتىسۋشىلار قاتارىنا ازىق-تۇلىك كورپوراسياسى مەن "اتامەكەن" ۇكپ كىرەدى. بۇگىنگى كۇنى جەتكىزىلىم جاعىنان ماسەلەلەر بولعان جوق.
وتىرىستا سونداي-اق ساۋدا جانە ينتەگراسيا مينيسترلىگى تاراپىنان اۋىل شارۋاشىلىعى ونىمدەرىن ەكسپورتتاۋ جونىندەگى جول كارتاسىنىڭ جوباسى ازىرلەنگەنى ايتىلدى. قۇجات جوباسى "اتامەكەن" ۇكپ جانە سالالىق قاۋىمداستىقتارمەن كەلىسىلدى.
- جەدەل شتابتا ءبىز بارلىق تۋىندايتىن جەدەل ماسەلەلەر بويىنشا جيناقتاپ، ولاردىڭ پروبلەماعا اينالماۋى ءۇشىن شەشىم تابۋىمىز كەرەك،-دەپ قورىتىندىلادى ۆيسە-پرەمەر. - ءبىزدىڭ بۇگىنگى مىندەتىمىز - ەگىن جيناۋ ءۇشىن بارلىق قاجەتتىمەن فەرمەرلەردى قامتاماسىز ەتۋ. سونىمەن قاتار ەكسپورت ماسەلەلەرىن شەشۋ.