ەشكىم زارداپ شەككەن جوق
استاناداعى قۇرىلىس الاڭىندا تاعى كران قۇلادى. وقىس وقيعا بۇگىن ساعات 9:00 شاماسىندا بولعان. توتەنشە جاعدايلار مينيسترلىگىنىڭ اقپارىنشا، شامادان تىس جۇكتەمەدەن كران قاق ورتاسىنان بولىنگەن، دەپ حابارلايدى Almaty-akshamy.kz Almaty.tv-گە سىلتەمە جاساپ.
ابىروي بولعاندا ەشكىم زارداپ شەكپەدى. ءقازىر اپات ورنىندا ونەركاسىپتىك قاۋىپسىزدىك كوميتەتى ماماندارى جۇمىس ىستەپ جاتىر. ايتا كەتسەك، قۇرىلىسى ءجۇرىپ جاتقان تۇرعىن ءۇي كەشەنى اقىن سارا كوشەسى، 53 مەكەنجايىندا ورنالاسقان.
«جۇك 35 شاقىرىم جەردە سالىنعان. مۇنارالى كراننىڭ ءماشينيسى جۇكتى كورمەگەن. استىنداعى ادامدار جۇكتى ىلەدى دە، تەلەفونمەن «جۇكتى كوتەر» دەپ زۆاندايدى. سول كەزدە كران مايىسىپ كەتەدى. سەبەبى كران سالماعى 2 توننا جۇكتى كوتەرە الادى. ال تومەندەگىلەر 4 تونناعا جۋىق جۇك سالعان»، – دەدى ق ر توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ استانا قالالىق دەپارتامەنت باسشىسى قانات قىزداربەكوۆ.