21 ساۋىردە ۇلتتىق كىتاپحانادا دۇنيەجۇزىلىك كىتاپ جانە اۆتورلىق قۇقىق كۇنىنە ارنالعان جىل سايىنعى «كىتاپ شوۋ-2023» فەستيۆالى، تۇركى مەملەكەتتەرىنىڭ ۇيىمى جاريالاعان «2023 جىل - تۇركى وركەنيەتىنىڭ دامۋ جىلى» اياسىندا وتكىزىلەدى، دەپ حابارلايدى Almaty-akshamy.kz.
⠀
فەستيۆالدىڭ ماقساتى – «وقيتىن ۇلت» جوباسى شەڭبەرىندە حالىقتىڭ كىتاپ وقۋ بەلسەندىلىگىن ارتتىرۋ، كىتاپ پەن وقۋعا دەگەن قىزىعۋشىلىعىن قولداۋ، بالالار مەن جاسوسپىرىمدەردىڭ وقۋ ساۋاتتىلىعىن كوتەرۋ جانە كىتاپ وقۋ مادەنيەتىن دامىتۋ، سونداي-اق، تۇركى حالىقتارىنىڭ تاريحي جانە ادەبي مۇراسىن ناسيحاتتاۋ.
باعدارلامادا مىنانداي شارالار قامتىلعان:
- قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى مۇزافار الىمبايەۆتىڭ 100 جىلدىعىنا ارنالعان «قازاق بالالار ادەبيەتىنىڭ وتكەنى مەن بۇگىنى» اتتى رەسپۋبليكالىق عىلىمي-تەوريالىق كونفەرەنسيا؛
- قىرعىزستاننىڭ حالىق جازۋشىسى، مەملەكەت جانە قوعام قايراتكەرى ش.ايتماتوۆتىڭ 95 جىلدىعىنا ارنالعان «شىڭعىس ايتماتوۆتى وقيمىز» اتتى حالىقارالىق دوڭگەلەك ۇستەل؛
⠀
- «ABAI» ادەبي-تانىمدىق، انيماسيالىق ەنسيكلوپەدياسىنىڭ تۇساۋكەسەرى جانە كىتاپ اۆتورلارى ر.زايكەنوۆا، ق.قارايەۆامەن كەزدەسۋ؛
⠀
- تانىمال فرانسۋز فوتوگرافى جان-مارك گودەستىڭ «جاندى كىتاپتار» فوتوكورمەسى جانە شەبەرلىك ساعاتى؛
⠀
- تانىمال پولياك جازۋشىلارى پەتر ۆويسەحوۆسكيي مەن ياسەك دەنەلمەن ونلاين-كەزدەسۋ؛
⠀
- «وركەنيەت قايسىسى: كىتاپ نەمەسە ايفون» پىكىر-تالاس الاڭى؛
⠀
- ق ر ۇلتتىق كىتاپحاناسى قورىنان «تۇركى الەمىنىڭ بىرلىگى» اتتى كۇيتاباقتار، كىتاپتار جانە مەرزىمدى باسىلىمدار كورمەسى؛
⠀
- قازاقستاندىق باسپالاردىڭ كىتاپ ونىمدەرىنىڭ ساۋدا-جارمەڭكەسى؛
- «وقى جانە وزگەگە ۇسىن» بۋككروسينگ؛
⠀
- ۇلتتىق شىعارماشىلىق قولونەرشىلەر جارمەڭكەسى.