ەلوردادا VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسى اشىلدى. جيىنعا مەملەكەت باسشىسى قاسىم-جومارت توقايەۆ قاتىسۋدا، دەپ حابارلايدى اlmaty-akshamy.kz.
سەسسيانىڭ اشىلۋىندا مەملەكەت باسشىسى قاسىم-جومارت توقايەۆ ءسوز سويلەدى.
«مەن ءبىر جىل بۇرىن وسى عيماراتتا حالىققا جولداۋىمدى جاريالادىم. ەلىمىز ءۇشىن اسا ماڭىزدى ساتتە ساياسي جاڭعىرۋ باعدارلاماسىن ۇسىندىم. باستامالارىمىز جۇرتتىڭ شىنايى قولداۋىنا يە بولدى. وعان بىلتىرعى رەفەرەندۋمدا ايقىن كوز جەتكىزدىك. ءبىز تاۋەكەلگە بەل بۋىپ، بىردەن ىسكە كىرىستىك. ءبىر جىلدىڭ ىشىندە اۋقىمدى جۇمىس اتقارىلدى»، - دەدى پرەزيدەنت.