استانادا ءۇش جۇمىسشىنىڭ بەسقاباتتى عيماراتتىڭ بيىكتىگىنەن قۇلاپ جاراقات الۋىنا بايلانىستى پوليسيا دەپارتامەنتى قىلمىستىق ءىس قوزعادى، دەپ حابارلايدى Aqshamnews ءتىلشىسى.
ۆەدومستۆو مالىمەتىنشە، وقيعا قۇرىلىس جۇمىستارى جۇرگىزىلىپ جاتقان نىساندا بولعان. «قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا قىلمىستىق ءىس تىركەلگەن.
پوليسيا قىزمەتكەرلەرى ءۇش ادامنىڭ قۇرىلىس كابيناسىنان قۇلاۋىنان جاراقاتتانعانىن ناقتىلادى. ءقازىر وقيعانىڭ بارلىق ءمان-جايى انىقتالىپ جاتىر.
ەسكە سالايىق، بۇعان دەيىن زارداپ شەككەندەردىڭ ءبىرىنىڭ ۇلى راقىم ادىلگەرەي وقيعا 18 قاراشادا ساعات شامامەن 11:00-دە بولعانىن ايتقان. ونىڭ سوزىنشە، جۇمىسشىلار شامامەن 15 مەتر بيىكتىكتەن — كۇلتەگىن كوشەسى، 16 مەكەنجايىنداعى سالىنىپ جاتقان Attila تۇرعىن ءۇي كەشەنىنىڭ بەسىنشى قاباتىنان قۇلاعان.
ۇلتتىق شۇعىل مەديسينانى ۇيلەستىرۋ ورتالىعىنىڭ مالىمەتىنشە، سول كۇنى ءۇش ەر ادام اۋىر جاراقاتتارمەن مەديسينالىق مەكەمەگە جەتكىزىلگەن.