بەيبىتشىلىك جانە كەلىسىم سارايىندا وتان قورعاۋشى كۇنى مەن ۇلى جەڭىستىڭ 80 جىلدىعىنا ارنالعان كونسەرت ءوتتى.
ءىس-شاراعا تىل ەڭبەككەرلەرى، قارۋلى كۇشتەردىڭ، باسقا دا اسكەرلەر مەن اسكەري قۇرامالاردىڭ ارداگەرلەرى مەن اسكەري قىزمەتشىلەرى، سونداي-اق پرەمەر-مينيستر ولجاس بەكتەنوۆ، مەملەكەتتىك كەڭەسشى ەرلان قارين، قورعانىس ءمينيسترى گەنەرال-پولكوۆنيك رۋسلان جاقسىلىقوۆ قاتىستى.
بەلگىلى قازاقستاندىق مادەنيەت قايراتكەرلەرى، جەتەكشى ارتىستەر، وركەسترلىك، حور جانە بي ۇجىمدارى اسكەري قىزمەتشىلەرگە، قارۋلى كۇشتەردىڭ ارداگەرلەرىنە، اسكەري كوللەدج بەن «جاس سارباز» اسكەري-پاتريوتتىق قوزعالىسىنىڭ تاربيەلەنۋشىلەرىنە ارناپ پاتوريوتتىق كومپوزيسيالار مەن سوعىس جىلدارىنداعى اندەردى ورىندادى.
ەسترادالىق-سيمفونيالىق وركەستر مەن فولكلورلىق-ەتنوگرافيالىق ءانسامبلدىڭ ورىنداۋىندا نۇرعيسا تىلەندييەۆتىڭ «اتا تولعاۋى» كۇيى ورىندالدى. بىرىككەن شىعارماشىلىق ۇجىم ۇلى دالا اۋەندەرى مەن وركەسترلىك مۋزىكانىڭ كۇشىن بىرىكتىرە وتىرىپ، ۇلى كومپوزيتوردىڭ دۇنيەتانىمىن شەبەر جەتكىزە ءبىلدى.
جوڭعار شاپقىنشىلىعىنىڭ اۋىر كەزەڭىندەگى قازاق حالقىنىڭ باسىنا تونگەن قاۋىپ-قاتەر، ازاپ-قيىنشىلىقتى، بوسكان ەلدىڭ مۇڭ-زارىن تولعايتىن تاريحي سازدى «ەلىم-اي» ورىندالدى.
«سوعىس حاتتارى» ميزانسەناسىندا ءاليا ەسىمدى بويجەتكەن كەڭەس وداعىنىڭ باتىرى ءاليا مولداعۇلوۆاعا ۇندەۋ جولداۋ ارقىلى تاقىرىپتىڭ يدەيالىق مازمۇنىن بەينەلى تۇردە كورسەتە ءبىلدى. كوڭىل تولقىتارلىق كورىنىس «ءاليا» ءانىنىڭ ورىندالۋىمەن اياقتالدى.
«جاس قازاق»، جۋراۆلي»، «تاليانوچكا»، «تري تانكيستا»، «يابلوچكو»، «ەح، دوروگي»، «سينيي پلاتوچەك»، «كاتيۋشا»، «ەحال يا يز بەرلينا» جانە «مايسكيي ۆالس» اندەرىن كورەرمەن جىلى قابىلدادى.
سوليستەر مەن ۆوكالدىق توپتاردىڭ، سونداي-اق، حور ۇجىمدارىنىڭ ورىنداۋىندا اسكەري-پاتريوتتىق تاقىرىپتاعى «قارۋلى كۇشتەر»، «عاسىرلار ءۇنى»، «ۇمىتپايمىز»، «مەن قازاق»، «قازاقستان – بايتاق دالا»، «ساۋىت» جانە «اتامەكەن» اندەرى شىرقالدى.
كونسەرتتى ك. بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ دومبىراشىلارى مەن سوليستەرى «جەڭىس كۇنى» جانە «اتامەكەن» اندەرىمەن قورىتىندىلادى.