كەزدەسۋ بارىسىندا تاراپتار ادام قۇقىقتارى مەن زاڭ ۇستەمدىگىن قامتاماسىز ەتۋ سالالارىنداعى ءوزارا ءىس-قيمىلدىڭ وزەكتى ماسەلەلەرىن، سونداي-اق قازاقستان مەن ەۋروپا كەڭەسى اراسىنداعى ودان ءارى ىنتىماقتاستىقتىڭ پەرسپەكتيۆالارىن تالقىلادى.
ەۋروپا كەڭەسى قۇرىلىمدارى قازاقستان رەسپۋبليكاسىنا جولداعان ۇسىنىمداردى تالقىلاۋعا، سونداي-اق ولاردى قولدانىستاعى جانە جوسپارلانعان رەفورمالار اياسىندا ىسكە اسىرۋ مۇمكىندىكتەرىنە ەرەكشە نازار اۋدارىلدى. تاراپتار قۇقىق قورعاۋ ستاندارتتارىن ىلگەرىلەتۋ جانە قۇقىقتىق ينستيتۋتتاردى نىعايتۋ ماقساتىندا ينستيتۋسيونالدىق ديالوگ پەن تاجىريبە الماسۋدىڭ ماڭىزدىلىعىن اتاپ ءوتتى.
كەزدەسۋ دوستىق جانە كونسترۋكتيۆتى اتموسفەرادا ءوتتى.
قازاقستان ەۋروپا كەڭەسىمەن، سونىڭ ىشىندە ەكپا جەلىسى بويىنشا ىنتىماقتاستىقتى كەڭەيتۋگە مۇددەلىلىگىن ءبىلدىرىپ، ادام قۇقىقتارى سالاسىنداعى حالىقارالىق مىندەتتەمەلەرگە ادالدىعىن راستادى.