جۇمىستاردى 2027 جىلعا دەيىن اياقتاۋ جوسپارلانىپ وتىر. قازىرگى ۋاقىتتا سۋ رەسۋرستارى جانە يرريگاسيا مينيسترلىگى وسى نىساندار بويىنشا جوبالاۋ-سمەتالىق قۇجاتتارىن ازىرلەپ جاتىر.
مونتاجداۋ جۇمىستارى اياقتالىپ، اقپاراتتىق جۇيەلەر دايىن بولعاننان كەيىن بارلىق كانالدان جينالاتىن دەرەكتەردى سۋ رەسۋرستارىنىڭ ۇلتتىق اقپاراتتىق جۇيەسىنە ينتەگراسيالاۋ جوسپاردا بار. بۇل سۋدى قابىلداۋ كولەمدەرىن تالداۋعا جانە جوسپارلاۋعا مۇمكىندىك بەرەدى.
«مەملەكەت باسشىسى كەم دەگەندە 3500 كم سۋارۋ كانالدارىن سيفرلاندىرۋدى تاپسىردى. قازىرگى تاڭدا بۇل جۇمىس قىزىلوردا وبلىسىندا دا جۇرگىزىلىپ جاتىر. جوبانى ىسكە اسىرۋ سۋدى ءتيىمدى پايدالانۋعا، ونى ەسەپكە الۋدىڭ دالدىگىن ارتتىرۋعا جانە شىعىنداردى ازايتۋعا سەپتىگىن تيگىزەدى»،
– دەدى سۋ رەسۋرستارى جانە يرريگاسيا ۆيسە-مينيسترى اسلان ابدرايموۆ.