پوليسەيلەر جانكۇيەرلەر اراسىنداعى قاقتىعىستى دەر كەزىندە شەشتى
ەلوردادا ارالاس جەكپە-جەكتەن وتكەن تۋرنير بارىسىندا جانكۇيەرلەر ءوزارا قاقتىعىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«نۇر-سۇلتاندا حابيب نۋرماگومەدوۆ ليگاسىنىڭ تۋرنيرىندە پوليسەيلەر جانكۇيەرلەر اراسىنداعى قاقتىعىستى دەر كەزىندە شەشتى. وقيعا قاتىسۋشىلارى پوليسيا بولىمىنە جەتكىزىلدى»، - دەلىنگەن حابارلامادا.
ايتا كەتسەك، اتالعان جەكپە-جەك تۋرنيرىندە جەرلەسىمىز كيريلل گەككەل تورەشىلەردىڭ شەشىمىمەن رەسەيلىك يزرايل گادجياگايەۆقا ەسە جىبەرگەن ەدى.
سونداي-اق، قازاقستاندىق ارالاس جەكپە-جەك شەبەرى سانجار ءادىلوۆ رەسەيلىك چارميگۋلا سيراجۋدينوۆتەن باسىم ءتۇسىپ، جەڭىسكە جەتتى.
قازاقستاندىق جەكپە-جەك شەبەرلەرىنىڭ جەڭىسى جالعاسىن تاۋىپ ءالي قابدوللا اتالعان تۋرنيردە تۇنشىقتىرۋ ءادىسى ارقىلى رەسەيلىك ۆالەريي گريسۋتيننەن باسىم ءتۇستى.
ودان بولەك، حابيب نۋرماگومەدوۆ تۋرنيرىندە جەڭىسكە جەتكەن جەرلەسىمىز سانجار ءادىلوۆ بولاشاق ماقساتى تۋرالى ايتىپ بەردى.