مەكتەپ فورماسىن ساتۋشىلاردىڭ ايتۋىنشا، اتا-انالاردىڭ باسىم بولىگى وتاندىق برەندتەردى تاڭدايدى. ولاردىڭ باعاسى بارلىق جەردە بىردەي، دەپ حابارلايدى Almaty-akshamy.kz.
جاڭا وقۋ جىلىنا ون كۇن قالدى. مەكتەپتە وقيتىن بالاسى بار اتا-انانىڭ ءبارى دەرلىك دۇكەن-بازار ارالاپ، وقۋشى كيىمى مەن قالام-داپتەرىن الىپ جاتىر. وقۋ قۇرالدارى مەن كيىم-كەشەك وتباسى بيۋدجەتىنە قانشا سالماق سالادى؟ قازاقپارات ءتىلشىسى بازارلارعا شىعىپ، باعالاردى ءوز كوزىمەن كورىپ، اتا-انالارمەن تىلدەسىپ قايتتى
كوپتەگەن قالا تۇرعىندارى مەن مەگاپوليس قوناقتارى ساۋدا جاساۋ ءۇشىن باراحولكاعا بارادى. ولاردىڭ پىكىرىنشە، مۇندا ىزدەگەنىڭدى ارزان باعاعا تابۋعا بولادى. سونىمەن قاتار، تاڭداۋعا دا مۇمكىندىك مول. راسىندا، بۇل جەردەن وتاندىق وندىرۋشىلەردىڭ، قىتايدان، تۇركيادان، رەسەيدەن، قىرعىزستاننان اكەلىنگەن زاتتاردى كەزدەستىرۋگە بولادى.
مەكتەپ فورماسىن ساتۋشىلاردىڭ ايتۋىنشا، اتا-انالاردىڭ باسىم بولىگى وتاندىق برەندتەردى تاڭدايدى. ولاردىڭ باعاسى بارلىق جەردە بىردەي.
قىز بالاعا:
اق جەيدە – 6 000 تەڭگەدەن جوعارى
بەلدەمشە – 7 000 تەڭگە
جاكەت – 12 000 تەڭگە
كوكىرەكشە – 6 000 تەڭگە
شالبار – 6 000 تەڭگە
سارافان – 10 000 تەڭگە
بارلىعى: 47 000 تەڭگە.
ۇل بالاعا:
پيدجاك – 12 000 تەڭگە
كوكىرەكشە – 6 000 تەڭگە
شالبار – 7 000 تەڭگە
جەيدە – 5 000 تەڭگە
گالستۋك – 2 000 تەڭگە
بارلىعى: 32 000 تەڭگە.
بازارلاردا، كەڭسە تاۋارلارىن ساتاتىن دۇكەندەردە بالالارىن جەتەكتەپ، وقۋ قۇرالى مەن مەكتەپ فورماسىن ىزدەپ جۇرگەن اتا-انا وتە كوپ. سولاردىڭ ءبىرى – كوپبالالى انا ءمولدىر مۇقانوۆا.
بالالارىنىڭ ۇشەۋى مەكتەپتە وقيدى. ايتۋىنشا ءبارى قىمباتتاپ كەتكەن. ول ءار بالاسىنا شامامەن 90-100 مىڭ تەڭگە جۇمساپتى.
«كوبىنە وتاندىق وندىرۋشىلەردىڭ كيىمىن الامىز. قىزىما بەلدەمشە قارادىق. قارا كوك ءتۇستى بەلدەمشەلەر 6-7 مىڭ تەڭگە شاماسىندا ەكەن. كوستيۋمى بولەك ساتىلادى. ونىڭ باعاسى – 12 مىڭ. اق ءتۇستى جەيدە 8 مىڭ تەڭگە بولدى. سومكەلەر 15 مىڭ تەڭگەدەن باستالادى. اياق كيىمنىڭ ساپالىسى 25 مىڭ تەڭگە دەپ تۇر. ءجاسوسپىرىم قىزعا كەڭسە تاۋارلارىنا 12-13 مىڭ تەڭگەدەي جۇمسالادى. بۇعان داپتەر، قارىنداش، قالامساپ، پانگە ارنالعان داپتەرلەر، سىزعىش، وشىرگىش، كۇندەلىك، پەنال، قاپتاما كىرەدى»، - دەيدى ول.
ايتۋىنشا، 2-سىنىپقا باراتىن ۇلىنا 70 مىڭ تەڭگە جۇمساعان.
«كوستيۋم-شالباردى 23 مىڭ تەڭگەگە ساتىپ الدىق. جەڭى قىسقا جانە ۇزىن اق جەيدەگە 11 مىڭ تەڭگە بەردىم. گالستۋك – 3 مىڭ. كلاسسيكالىق جانە سپورت اياق كيىمىنىڭ ءارقايسىسىن ساۋدالاسىپ ءجۇرىپ، 20 مىڭ تەڭگەگە الدىق. دەنە شىنىقتىرۋعا كيەتىن فورماعا 8 مىڭ تەڭگە جۇمسادىم. ەندى وسىعان سومەكەسى مەن وقۋعا قاجەتتى قۇرالدارىن قوسىڭىز. تاعى ءبىر ۇلىم 10-سىنىپقا كوشتى. ول ءبىزدىڭ الىپ بەرگەندى كيمەيدى. ال، ءوزى تاڭداپ العان كيىمى مەن سومكەسىنىڭ باعاسى ايتپساق تا تۇسىنىكتى»، - دەيدى كوپبالالى انا.
راسىندا، ءتىپتى جاي داپتەر ءبىر جەردە 35 تەڭگەدەن ساتىلسا، ءبىر جەردە – 45 تەڭگە. ال، 48 بەتتىك قالىڭ داپتەردىڭ ەڭ ارزانى 250 تەڭگەدەن باستالادى. سىزعىش – 150، قالام – 35 تەڭگەدەن باستالىپ، كوتەرىلە بەرەدى.
ايتا كەتسەك، بۇعان دەيىن قازاقستاندا كەڭسە تاۋارلارى 12 پايىزعا قىمباتتاعانى تۋرالى جازعان بولاتىنبىز.