استانادا جەڭىل اتلەتيكادان ازيا چەمپيوناتى وتەدى

«Qazaqstan» جەڭىلاتلەتيكالىق سپورت كەشەنىندە وتەتىن تۋرنيرگە 30-دان اسا ەلدەن 500-دەن استام سپورتشى قاتىسادى.

10-12 اقپان ارالىعىندا استانادا جابىق الاڭداعى جەڭىل اتلەتيكادان 10-شى ازيا چەمپيوناتى باستالادى، دەپ حابارلايدى Almaty-akshamy.kz. قازاقپاراتقا سىلتەمە جاساپ.

جارىس 2023 جىلى ازيا جەڭىل اتلەتيكا قاۋىمداستىعىنىڭ كۇنتىزبەسىندەگى ەڭ ماڭىزدى ءىس-شارالاردىڭ ءبىرى بولىپ سانالادى.

ايتا كەتەيىك، جابىق الاڭدا جەڭىل اتلەتيكادان ازيا چەمپيوناتى تمد ەلدەرىنىڭ اۋماعىندا العاش رەت وتكىزىلىپ وتىر.

سپورتشىلار جەڭىل اتلەتيكانىڭ 26 تۇرىنەن ونەر كورسەتەدى، ولاردىڭ اراسىندا جۇگىرۋ، لاقتىرۋ، سەكىرۋ جانە كوپسايىس بار.

جارىس باعدارلاماسى:

ايەلدەر:
1. جۇگىرۋ - 60 م؛
2. جۇگىرۋ-400 م؛
3. جۇگىرۋ - 800 م؛
4. جۇگىرۋ-1500 م؛
5. جۇگىرۋ-3000 م؛
6. كەدەرگىلەرمەن جۇگىرۋ-60؛
7. ۇزىندىققا سەكىرۋ؛
8. بيىكتىككە سەكىرۋ؛
9. ءۇش سەكىرۋ؛
10. سىرىقپەن سەكىرۋ؛
11. يادرونى يتەرۋ؛
12. ەستافەتا-4x400 م؛
13. بەسسايىس.

ەرلەر:
1. جۇگىرۋ - 60 م؛
2. جۇگىرۋ-400 م؛
3. جۇگىرۋ - 800 م؛
4. جۇگىرۋ-1500 م؛
5. جۇگىرۋ-3000 م؛
6. كەدەرگىلەرمەن جۇگىرۋ-60؛
7. ۇزىندىققا سەكىرۋ؛
8. بيىكتىككە سەكىرۋ؛
9. ءۇش سەكىرۋ؛
10. سىرىقپەن سەكىرۋ؛
11. گەپتاتلون؛
12. ەستافەتا-4x400 م؛
13. يادرونى يتەرۋ

جارىستىڭ اشىلۋ سالتاناتىنا ازيا جەڭىل اتلەتيكا قاۋىمداستىعىنىڭ پرەزيدەنتى داحلان ءال-حاماد، قازاقستان رەسپۋبليكاسى جەڭىل اتلەتيكا فەدەراسياسىنىڭ پرەزيدەنتى دانيال احمەتوۆ، ازيا جەڭىل اتلەتيكا قاۋىمداستىعى كەڭەسىنىڭ مۇشەلەرى، ازيا ەلدەرىنىڭ ۇلتتىق فەدەراسيالارىنىڭ باسشىلارى، سونداي-اق ەڭبەك سىڭىرگەن سپورتشىلار مەن قازاقستاننىڭ سپورت قايراتكەرلەرى قاتىسادى.