بۇعان دەيىن قازاقستاندىقتاردىڭ تۇركياداعى جويقىن جەر سىلكىنىسىنەن زارداپ شەكپەگەنىن حابارلاعانبىز.
ءسىم مەن تجم تۇرىك بيلىگىمەن بايلانىس ورناتتى. پرەزيدەنت قاسىم-جومارت توقايەۆ ۇكىمەتكە تۇركياعا شۇعىل كومەك كورسەتۋدى تاپسىردى، دەپ حابارلايدى Almaty-akshamy.kz اقورداعا سىلتەمە جاساپ.
«مەملەكەت باسشىسى قاسىم-جومارت توقايەۆ ۇكىمەتكە تۇركيانىڭ وڭتۇستىك-شىعىسىندا بولعان جويقىن جەر سىلكىنىسىنىڭ سالدارىن ەڭسەرۋدە شۇعىل كومەك كورسەتۋدى تاپسىردى. سىرتقى ىستەر مينيسترلىگى مەن توتەنشە جاعدايلار مينيسترلىگى تۇرىك بيلىگىمەن بايلانىس ورناتتى. جاقىن ارادا تۇركيا ۇكىمەتىنىڭ ءوتىنىشى بويىنشا زارداپ شەككەن وڭىرلەرگە قازاقستاندىق قۇتقارۋشىلار مەن دارىگەرلەر ۇشادى»، – دەپ جازىلعان حابارلامادا.