استاناداعى №5 اۆتوبۋستا جاسوسپىرىمدەر اپاتتىق بالعالاردى ۇرلاپ كەتپەك بولدى، دەپ حابارلايدى اqshamnews.kz ءتىلشىسى قالالىق پد-عا سىلتەمە جاساپ.
پوليسيانىڭ مالىمەتىنشە، قوعامدىق كولىكپەن كەلە جاتقان ءبىر توپ ءجاسوسپىرىم اۆتوبۋستىڭ توتەنشە جاعدايداعى شىعىسىنا ارنالعان بالعانى بەكىتكىشىنەن شەشىپ، وزدەرىمەن الىپ كەتپەك بولعان. ولاردىڭ ارەكەتىن بايقاعان جۇرگىزۋشى اۆتوبۋستى توقتاتىپ، جاسوسپىرىمدەردى ۇستاپ قالعان.
الايدا پوليسيا شاقىرىلعان ساتتە جاسوسپىرىمدەردىڭ ءبىرى بۇرىشتى گاز باللونىن جۇرگىزۋشىنىڭ بەتىنە شاشىپ، وقيعا ورنىنان قاشۋعا ارەكەتتەنگەن.
قالالىق پوليسيا دەپارتامەنتى كامەلەتكە تولماعانداردىڭ تۇلعالارى انىقتالعانىن حابارلادى.
«اتالعان فاكتى بويىنشا جاسوسپىرىمدەردىڭ اتا-انالارى بالالاردى تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن جاۋاپكەرشىلىككە تارتىلدى»، – دەپ مالىمدەدى پوليسيا.