سپورتتىق «ەۆرو-فۋتبول.رۋ» پورتالى بۇگىن استانادا وتەتىن چەمپيوندار ليگاسىنىڭ جالپى كەزەڭىندەگى «قايرات» – «وليمپياكوس» ءماچىنىڭ بولجامدى قۇرامىن جاريالادى، دەپ حابارلايدى اqshamnews.kz ءتىلشىسى Sports.kz-كە سىلتەمە جاساپ.
باسىلىم مالىمەتىنشە، التىنشى تۋردا الماتىلىق «قايرات» پەن گرەكتىڭ «وليمپياكوسى» وتە ماڭىزدى ويىندا جۇزدەسەدى.
«قايراتتىڭ» بولجامدى قۇرامى:
اناربەكوۆ (قاقپاشى)، ماتا، سوروكين، مارتىنوۆيچ، تاپالوۆ، گلەيزەر، قاسابۇلات، گرومىكو، جورجينيۋ، مرىنسكيي، ەدميلسون.
«وليمپياكوستىڭ» بولجامدى قۇرامى:
سولاكيس (قاقپاشى)، ورتەگا، پيرولا، بيانكون، مارسەلو، مۋزاكيتيس، ەسسە، پودەنسە، شيكينيۋ، سترەفەسسا، ەل-كاابي.
الماتىلىق كلۋب ساپىندا قاقپاشى الەكساندر زارۋسكيي مەن وفري اراد جاراقاتىنا بايلانىستى الاڭعا شىعا المايدى. سونداي-اق «قايراتتىڭ» ويىنشىسى داستان ساتپايەۆ بۇل كەزدەسۋدە ديسكۆاليفيكاسياعا ۇشىراعان. «وليمپياكوس» جاعىندا الەكساندروس پاسحالاكيس پەن پانايوتيس رەساس جاراقات العان.
الدىڭعى تۋردا ەكى كوماندا دا ءبىر دوپ ايىرماشىلىعىمەن جەڭىلىپ قالعان ەدى: «قايرات» «كوپەنگاگەنگە» 2:3 ەسەبىمەن جول بەرسە، «وليمپياكوس» مادريدتىك «رەالدان» 3:4 ەسەبىمەن ۇتىلدى.
بەس تۋر قورىتىندىسى بويىنشا «قايرات» نەبارى ءبىر عانا ۇپاي جيناعان. «وليمپياكوس»-تىڭ دا جاعدايى ءماز ەمەس. گرەك كلۋبىنىڭ ەنشىسىندە ەكى ۇپاي بار.