بۇل فاكتى بويىنشا سوتقا دەيىنگى تەرگەۋ باستالدى
استانادا 11 قاراشادا تۇرعىن ءۇيدىڭ 14-قاباتىنداعى ەكى جۇمىسشى قۇرىلىسقا ارنالعان اسپالى قۇرىلىمنان جەرگە قۇلاپ كەتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ەلوردا پوليسيا دەپارتامەنتىنىڭ مالىمدەۋىنشە، قۇلاعانداردىڭ ءبىرى العان جاراقاتىنان وقيعا ورنىندا كوز جۇمدى، ەكىنشىسى اۋرۋحاناعا جەتكىزىلدى.
بۇل فاكتى بويىنشا سوتقا دەيىنگى تەرگەۋ باستالدى. قاجەتتى ساراپتامالار تاعايىندالدى.
قاراشانىڭ 7ء-سى كۇنى ءدال وسىنداي وقيعا تالدىقورعاندا دا ورىن الدى. قۇرىلىس الاڭىندا جۇمىسشى بيىكتەن قۇلاپ كەتتى. ول شەتەل ازاماتى بولىپ شىقتى.