"قازاقستان" قوناق ءۇيىنىڭ "Elegant Hall" كونفەرەنس-زالىندا ءدىني ەكسترەميزم مەن تەرروريزمنىڭ الدىن الۋ بويىنشا ءاقپاراتتىق-تۇسىندىرۋ توپتارىنىڭ جىلدىق قورىتىندىسىنا ارنالعان دوڭگەلەك ۇستەل ءوتتى. ءىس-شارانى الماتى قالاسى ءدىن ىستەرى جونىندەگى باسقارماسىنىڭ "ءدىن ماسەلەلەرىن زەرتتەۋ ورتالىعى" ۇيىمداستىردى.
جيىن بارىسىندا الماتى قالاسى ءدىن ىستەرى جونىندەگى باسقارماسىنىڭ "ءدىن ماسەلەلەرىن زەرتتەۋ ورتالىعى" كمم باسشىسى دۋلات يبراگيموۆ اعىمداعى جىلى قالادا 655 ءتۇسىندىرۋ ءىس-شاراسى وتكىزىلىپ، 73 860 ادام قامتىلعانىن اتاپ ءوتتى. جالپى، اقپاراتتىق جۇمىستىڭ باسىم بولىگى ناقتى ماقساتتى اۋديتوريالارعا باعىتتالعان. ونىڭ ايتۋىنشا، ءتۇسىندىرۋ جۇمىستارى سوتتالعاندار، ءدىندار توپتار، ەڭبەك ميگرانتتارى، الەۋمەتتىك ءالسىز ازاماتتار، جۇمىسسىزدار، سپورتشىلار، مادەنيەت قىزمەتكەرلەرى، ءبىلىم بەرۋ ۇيىمدارى، مەملەكەتتىك قۇرىلىمدار مەن قۇقىق قورعاۋ ورگاندارى اراسىندا جۇرگىزىلدى. جىل بويى ورتالىقتىڭ الەۋمەتتىك جەلىدەگى ارنايى پاراقشاسىنا 500-دەن استام ۇسىنىس پەن پىكىر تۇسكەن. الداعى جىلى جۇمىستى جەتىلدىرۋ جانە قامتۋ اياسىن كەڭەيتۋ جوسپارلانعان.
الماتى قالاسى ءدىن ىستەرى جونىندەگى باسقارماسىنىڭ باسشىسى نۇرلان قيقىموۆ ءاقپاراتتىق-تۇسىندىرۋ جۇمىسىنىڭ تاسىلدەرى تۋرالى ايتا كەلە، بۇل قىزمەتتىڭ بۇكىل قالا تۇرعىندارىنا بۇقارالىق تۇردە ەمەس، ءدىن يدەولوگياسىنا قىزىعۋشىلىق تانىتقان نەمەسە ءقاۋىپ ءتوندىرۋى مۇمكىن توپتارعا باعىتتالاتىنىن جەتكىزدى. ونىڭ ايتۋىنشا، قالا حالقىنىڭ وسىمىمەن بىرگە ءدىني ماسەلەلەر بويىنشا ءتۇسىندىرۋ جۇمىسىنا دەگەن قاجەتتىلىك تە ارتىپ وتىر.
جيىندا ءاقپاراتتىق-تۇسىندىرۋ توبىنىڭ مۇشەلەرى ۇسىنىستارىن ورتاعا سالىپ، جۇمىس تيىمدىلىگىن ارتتىرۋ جولدارىن تالقىلادى. قاتىسۋشىلار بروشيۋرا دايىنداۋ، شەتەلدىك ساراپشىلاردى تارتۋ جانە الەۋمەتتىك پاراقشاداعى بەلسەندىلىكتى كۇشەيتۋ قاجەتتىگىن اتاپ ءوتتى.
دوڭگەلەك ۇستەل قورىتىندىسىندا جىل بويى جوعارى كاسىبيلىك كورسەتكەن ۇزدىك
ساراپشىلار الماتى قالاسى ءدىن ىستەرى جونىندەگى باسقارماسىنىڭ العىس حاتتارىمەن جانە باعالى سىيلىقتارىمەن ماراپاتتالدى.
"مەملەكەتىمىزدىڭ ءدىن سالاسىنداعى ساياساتىن ىلگەرىلەتۋگە قوسقان ۇلەسى ءۇشىن، قوعامدا ءدىني ەكسترەميزم مەن تەرروريزمنىڭ الدىن الۋ جانە زايىرلىلىق قاعيداتتارىن ناسيحاتتاۋ باعىتىنداعى بەلسەندى ەڭبەكتەرى ءۇشىن العىس بىلدىرەمىز"، – دەدى نۇرلان قيقىموۆ.
ايتا كەتەيىك، قالاداعى ءاقپاراتتىق-تۇسىندىرۋ توپتارىندا بيىل 68 ساراپشى ەڭبەك ەتتى. ونىڭ 32ء-سى قازاق تىلىندە، 10-ى ءورىستىلدى، 26 مامان ەكى تىلدە جۇمىس جۇرگىزگەن.