قما ماڭعىستاۋ وبلىسى بويىنشا دەپارتامەنتى "وزەن كولىك قۇراستىرۋ زاۋىتى" ج ش س باسشىلىعىنا قاتىستى ۇلەسكەرلىك قۇرىلىس رەتىندە ازاماتتاردىڭ قارجىسىن زاڭسىز تارتۋ دەرەگى بويىنشا جۇرگىزىلگەن تەرگەۋدى اياقتادى، - دەپ حابارلايدى aqshamnews.kz ءتىلشىسى.
ەكى جىل بويى كومپانيا باسشىلىعى جاڭاوزەن قالاسىندا "Astana Rich Village" تۇرعىن ءۇي كەشەنىن قاجەت رۇقسات قۇجاتتارىنسىز، جوبالىق-سمەتالىق قۇجاتتاماسىز، مەملەكەتتىك ساراپتاما مەن اۆتورلىق قاداعالاۋسىز سالعانى انىقتالدى.
تۇرعىنداردىڭ قارجىسىن تارتۋ ءۇشىن ءتۇرلى ينتەرنەت-رەسۋرستاردا پاتەرلەردىڭ نارىقتان تومەن باعامەن ساتىلاتىنى تۋرالى جالعان جارنامالار جاريالانعان. سونىڭ ناتيجەسىندە 23 ازاماتپەن الدىن الا ساتىپ الۋ-ساتۋ تۋرالى جالعان كەلىسىمشارتتار جاسالعان.
زاڭسىز تارتىلعان قاراجات كولەمى 303 ميلليون تەڭگەدەن استى.
تەرگەۋ مالىمەتىنشە، جينالعان اقشا قۇرىلىس ماتەريالدارىن الۋعا جۇمسالعانداي كورسەتىلىپ، كەيىن كاسىپورىن كاسساسىنان قولما-قول اقشاعا اينالدىرىلىپ، شىن مانىندە جەكە قاجەتتىلىكتەرگە باعىتتالعان. ال تۇرعىن ءۇي قۇرىلىسى اياقتالماي قالعان.
ۇلەسكەرلەردىڭ مۇددەسىن قورعاۋ ماقساتىندا سوت سانكسياسىمەن كۇدىكتىلەرگە تيەسىلى مۇلىككە - تۇرعىن ءۇي، پاتەر، ەكى اۆتوكولىك جانە ءۇش جەر ۋچاسكەسىنە تىيىم سالىندى.
كۇدىكتىلەردىڭ ءبىرى قاماۋعا الىنسا، ەكىنشىسىنە بۇلتارتپاۋ شاراسى رەتىندە كەپىل قولدانىلعان.
ق ر قپك-نىڭ 201-بابى بويىنشا وزگە اقپارات جاريالانبايدى.