بۇگىننەن باستاپ «استانا» مەن «چەلسي» اراسىنداعى ويىننىڭ بيلەتتەرى ساتىلىمعا شىعادى.
بۇل تۋرالى «استانا» فۋتبول كلۋبى الەۋمەتتىك جەلىدەگى پاراقشاسىنا جازدى، دەپ حابارلايدى aqshamnews.kz.
«استانا» فۋتبول كلۋبىنىڭ مالىمەتىنشە، ماچقا دەگەن قىزىعۋشىلىق تانىتقاندار كوپ بولۋىنا بايلانىستى بيلەت ساتۋ بويىنشا كەلەسى قاۋىپسىزدىك شارتتارى قاراستىرىلعان:
ءبىر قولعا 4 دانا بيلەت ساتىلادى: ساتىپ الۋ ەلەكتروندىق پوشتا، تەلەفون ءنومىرى جانە نەسيە كارتاسىن تىركەۋ ارقىلى جۇزەگە اسىرىلادى؛
بيلەتتەر جەكە تۇلعاعا راسىمدەلەدى، تاپسىرىس بەرۋ كەزىندە ءاربىر كەلۋشىنىڭ دەرەكتەرىن ەنگىزۋ قاجەت، ماچقا بارعان كەزدە وزىمەن بىرگە راستايتىن قۇجات بولۋى ءتيىس؛
ماچقا قاتىسۋ قۇقىعىن بەرەتىن QR كودى بار ەلەكتروندىق بيلەت ماچ كۇنى ەلەكتروندىق پوشتاعا جىبەرىلەدى؛
www.zakazbiletov.kz سايتىنداعى كەزەكتىڭ ارتۋىنا بايلانىستى، ونلاين كەزەك ىسكە قوسىلۋى مۇمكىن.