بۇل مەرەكە 1997 جىلعى 24 قاراشادا قورعانىس ءمينيسترىنىڭ قارۋلى كۇشتەردىڭ قاجەتتىلىكتەرى ءۇشىن پەداگوگيكالىق جانە عىلىمي كادرلاردى دايارلاۋ تۋرالى بۇيرىعىنىڭ شىعۋىمەن بايلانىستى.
ارميانىڭ جاۋىنگەرلىك ازىرلىگى مەن جاۋىنگەرلىك قابىلەتى كوبىنە اسكەري عىلىمنىڭ جاي-كۇيىنە جانە مۇعالىمدەردىڭ كاسىبي دەڭگەيىنە بايلانىستى. بۇل تۇرعىدا ۇلتتىق قاۋىپسىزدىك پەن قورعانىس مۇددەلەرىن زەرتتەۋگە، سونداي-اق عىلىم مەن تاجىريبەنى بىرىكتىرۋگە كوپ كوڭىل بولىنەدى. جاساندى ينتەللەكت تەحنولوگيالارىن دامىتۋعا، زاماناۋي قارۋ-جاراق جۇيەلەرىن، ۇشقىشسىز باسقارىلاتىن قۇرىلعىلاردى جانە كيبەرقاۋىپسىزدىك قۇرالدارىن جاساۋعا باسا نازار اۋدارىلۋدا.
جالپى، قورعانىس مينيسترلىگىنىڭ ءعىلىمي-بىلىم بەرۋ قوعامداستىعىندا 10 عىلىم دوكتورى، 70 فيلوسوفيا دوكتورى (PhD) جانە 51 عىلىم كانديداتى بار. ولاردىڭ كۇشىمەن 40 وقۋ قۇرالى مەن 22 مونوگرافيا جارىق كوردى، 590-نان اسا عىلىمي ماقالا جاريالاندى، ونىڭ 82ء-سى حالىقارالىق باسىلىمدارعا شىقتى. ولاردىڭ ەسەبىندە 13 تىركەلگەن پاتەنت جانە 39 زياتكەرلىك مەنشىك تۋرالى كۋالىك بار. گرانتتىق قارجىلاندىرۋ شەڭبەرىندە 21 عىلىمي جانە 12 باعدارلامالىق-نىسانالى جوبانى ىسكە اسىرۋ جۇمىستارى جۇرگىزىلۋدە.
قورعانىس مينيسترلىگى، عىلىمي قوعامداستىق ءبىلىم بەرۋ مەكەمەلەرىنە زەرتتەۋ جوو مارتەبەسىن بەرۋ شارالارىن قابىلداۋدا. ەلدىڭ جوعارى اسكەري ءبىلىم وشاقتارى – قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى، قۇرلىق اسكەرلەرىنىڭ اسكەري ينستيتۋتى، اۋە قورعانىسى كۇشتەرىنىڭ اسكەري ينستيتۋتى جانە راديوەلەكترونيكا جانە بايلانىس اسكەري-ينجەنەرلىك ينستيتۋتى. بۇل ءبىلىم وردالارىندا 10 عىلىم دوكتورى، 53 فيلوسوفيا دوكتورى (PhD) جانە 48 عىلىم كانديداتى ساباق بەرەدى.
اسكەري پەداگوگتار وقىتۋ ادىستەرىن ۇنەمى جەتىلدىرىپ وتىرادى. تاجىريبەگە ۇدەتكىشتەر مەن ترەناجەرلەردى قولدانۋ ەنگىزىلۋدە. ناقتى ۇرىسقا بارىنشا جاقىنداتىلعان جاعدايدا يميتاسيالاۋ كۋرسانتتاردىڭ قاجەتتى جاۋىنگەرلىك جانە تاكتيكالىق ماشىقتارىن شىڭدايدى.
اسكەري ءبىلىم مەن عىلىمنىڭ بۇكىل جۇيەسى اسكەري قىزمەتشىلەردىڭ كاسىبي داعدىلارىن، ستراتەگيالىق ويلاۋىن جانە قازىرگى زامانعى سىن-تەگەۋرىندەرگە بەيىمدەلۋ قابىلەتىن قالىپتاستىرۋعا باعىتتالعان.