استانا پروكۋراتۋراسى الاياقتىق جانە لاۋازىمدى تۇلعالاردى اسا ءىرى كولەمدە پارا بەرۋگە يتەرمەلەۋ بويىنشا قىلمىستىق ءىس تەرگەۋىن اياقتادى، دەپ حابارلايدى aqshamnews.kz.
پروكۋراتۋرانىڭ مالىمەتىنشە، وسىدان 6 جىل بۇرىن سوت ۇكىمىمەن پارا بەرۋشىگە 672 ميلليون تەڭگە كولەمىندە ايىپپۇل سالىنعان.
«جازادان جالتارۋ ءۇشىن پارا بەرۋشى ۋاكىلەتتى ورگانعا ايىپپۇلدى تولىق تولەگەنى تۋرالى جالعان قۇجات ۇسىنعان. قالالىق پروكۋراتۋرا بۇل قىلمىستىق دەرەكتى دەر كەزىندە انىقتاپ، سوتتالعاننىڭ جازاسى ايىپپۇلدان 10 جىل باس بوستاندىعىنان ايىرۋعا اۋىستىرىلدى»، - دەلىنگەن حابارلامادا.
ودان ءارى تەرگەۋ ناتيجەسىندە، سوتتالعانعا ميلليونداعان دوللار ايىپپۇل تولەۋدەن جالتارۋعا كومەكتەسكەن ادام ۇستالدى.
«القابيلەردىڭ قاتىسۋىمەن شىققان سوت ۇكىمىمەن كىنالى تۇلعا اسا ءىرى مولشەردە الاياقتىق جانە لاۋازىمدى تۇلعاعا اسا ءىرى مولشەردە پارا بەرۋگە يتەرمەلەگەنى ءۇشىن مۇلكى تاركىلەندى. سونداي-اق مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرىلىپ، 10 جىلعا باس بوستاندىعىنان ايىرۋ جازاسىنا كەسىلدى»، - دەلىنگەن حابارلامادا.