الماتىدا «پيونەر» تاۋ شاڭعىسى وتباسىلىق كۋرورتىنىڭ ماڭىندا قار كوشكىنى بولدى، زارداپ شەككەندەر جوق، دەپ حابارلايدى اlmaty-akshamy.kz
الماتى قالالىق توتەنشە جاعدايلار دەپارتامەنتىنىڭ مالىمەتىنشە،17 ناۋرىز كۇنى تاڭەرتەڭ، قاتتى جاۋىن-شاشىنعا بايلانىستى قوتىربۇلاق وزەنى القابىنىڭ جوعارعى اعىسىندا جالپى كولەمى 30 مىڭ تەكشە مەتر قامتىعان وزدىگىنەن قار كوشكىنى ءتۇستى.
قار كوشكىنى «پيونەر» تاۋ شاڭعىسى وتباسىلىق كۋرورتىنىڭ عيماراتىنا دەيىن جەتتى.
وقيعا ورنىنا "قازسەلدەنقورعاۋ" مم الماتى پايدالانۋ-تەحنيكالىق باسقارماسىنىڭ باسشىسى سامات داۋلەنقانوۆ باردى.
ونىڭ ايتۋىنشا، ەشكىم زارداپ شەككەن جوق.
«ايتا كەتۋ كەرەك، بۇعان دەيىن 15 ناۋرىزدا «قازسەلدەنقورعاۋ» مم اگەتۋ فيليالى «پيونەر» كۋرورت اكىمشىلىگىنە كوشكىن ءقاۋپى جانە قاجەتتى شارالار قابىلداۋ تۋرالى ۇسىنىس بەرگەن بولاتىن. جوعارىدا اتالعان مامانداردىڭ ۇسىنىسى بويىنشا ارقاندى جولدىڭ جۇمىسى جانە شاڭعى تراسسالارىندا سىرعاناۋ توقتاتىلدى. ابىروي بولعاندا، قايعىلى جاعداي بولعان جوق»، - دەپ حابارلادى ۆەدومستۆودان.
الماتى وڭىرىندە 165 قار جينايتىن ۋچاسكە بار، ونىڭ 18ء-ى ءقاۋىپتى. جالپى كولەمى 82،8 مىڭ تەكشە مەتر قۇراعان 16 قار ءتۇسىرۋ پروفيلاكتيكالىق جۇمىستارى جۇرگىزىلدى. اۆتوجولداردىڭ الدىن الا جابىلعان ۋچاسكەلەرىندە جالپى كولەمى 300 مىڭنان استام وزدىگىنەن تۇسكەن 100-دەن استام قار كوشكىنى تىركەلدى.
قار كوشكىنىن الدىن الا ءتۇسىرۋ جۇمىستارى ۇسىنىمدار بويىنشا جانە «قازگيدرومەت» رمك قار كوشكىنى ستانسيالارى ماماندارىنىڭ تىكەلەي قاتىسۋىمەن وتەدى.
قار كوشكىنىن پروفيلاكتيكالىق ءتۇسىرۋدى جۇرگىزۋگە «رجقج» مم، «اپاتتىق مەديسينا ورتالىعى» مم، تجد جانە پد ماماندارى قاتىسادى.
سونىمەن قاتار، ماماندار ۇلكەن جانە كىشى الماتى وزەندەرىنىڭ باسسەيندەرىندە 19-24 ناۋرىز ارالىعىندا قار كوشكىنى ءجۇرۋى مۇمكىن ەكەنىن ەسكەرتەدى.
تاۋلى ايماقتاردا تۋىندايتىن قار كوشكىنى - قايتالانۋ جانە قيراتۋ اسەرى بويىنشا اسا ءقاۋىپتى تابيعي قۇبىلىستاردىڭ ءبىرى. قار كوشكىنى ۇلكەن دەسترۋكتيۆتى كۇشكە يە، ونىڭ ماكسيمالدى جىلدامدىعى ساعاتىنا 80 كم-گە دەيىن جەتەدى. قار كوشكىنى كەزىندەگى قار ماسساسىنىڭ كولەمى بىرنەشە ميلليون تەكشە مەتر بولادى.