سەبەبى، مەرزىمى ءالى اياقتالماعان جەكە كۋالىكتەر جارامدى.
دەگەنمەن 86 مىڭ قازاقستاندىق جاڭا ۇلگىدەگى جەكە كۋالىك الدى، دەپ حابارلايدى اlmaty-akshamy.kz ءىىم اقپاراتىنا سىلتەمە جاساپ.
ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆتىڭ ايتۋىنشا، 15 ماۋسىمنان باستاپ 86 مىڭ قازاقستاندىق جاڭا ۇلگىدەگى جەكە كۋالىك العان.
«2024 جىلعى 15 ماۋسىمنان باستاپ جاڭا ۇلگىدەگى قازاقستان ازاماتىنىڭ جەكە كۋالىگى قولدانىسقا ەنگىزىلدى. سول ۋاقىتتان بەرى 86 مىڭعا جۋىق جەكە كۋالىك ازىرلەندى. وندا جەكە كۋالىك يەسىنىڭ ازاماتتىعى مەن جىنىسى تۋرالى دەرەكتەر كورسەتىلەدى. جالپى جاڭا ديزايندى جاساۋ ءۇشىن بيۋدجەتتەن ەشقانداي شىعىن بولمادى»، - دەدى شىڭعىس الەكەشيەۆ.
ول جارامدىلىق مەرزىمى ءالى اياقتالماعان جەكە كۋالىكتەر جارامدى بولاتىنىن اتاپ ءوتتى.
«ياعني ءبىر مەزگىلدە جاپپاي قۇجات اۋىستىرۋ ناۋقانى بولمايدى. تەك جەكە كۋالىگىنىڭ پايدالانۋ مەرزىمى بىتكەن ازاماتتاردىڭ قۇجاتى جاڭا ديزايندا جاسالىپ بەرىلەدى»، - دەدى رەسمي وكىل.