جوبا مەملەكەت باسشىسى ق. توقايەۆتىڭ اۋتيستىك سپەكتردەگى مۇگەدەك بالالارعا ارنالعان مەكەمەلەر سانىن ۇلعايتۋ تۋرالى تاپسىرماسىنا سايكەس تۇڭعىش پرەزيدەنت ن. نازاربايەۆ قورىنىڭ "قامقورلىق" جوباسى اياسىندا جۇزەگە استى.
بۇگىنگى دەيىن الماتىدا يپپوتەراپيا اقىلى تۇردە قىزمەت كورسەتتى. بۇل ءبىراز الماتىلىق ءۇشىن قولجەتىمسىز ەدى. ەندى قالالىق بيۋدجەت ەسەبىنەن جىلىنا 100-گە جۋىق بالا ەم الۋعا مۇمكىندىك الدى.
تۇڭعىش پرەزيدەنت ن. نازاربايەۆتىڭ قورى "قامقورلىق" جوباسى اياسىندا مەملەكەت باسشىسى ق. توقايەۆتىڭ اۋتيستىك سپەكتردەگى مۇگەدەك بالالارعا ارنالعان مەكەمەلەر سانىن ارتتىرۋ تۋرالى تاپسىرماسىنا سايكەس، سونداي-اق Nur Otan پارتياسىنىڭ "وزگەرۋ جولى: اركىمگە لايىقتى ءومىر" سايلاۋالدى باعدارلاماسىن ورىنداۋ ءۇشىن الماتىدا "يپپوتەراپيا” مەن “ات سپورتى" جوباسىنىڭ اشىلۋى ءوتتى. ءىس-شارا ق ر تاۋەلسىزدىگىنىڭ 30 جىلدىعى مەن استانا كۇنىنە ارنالدى.
جوبا پسيحونيەۆرولوگيالىق اۋرۋلارى، اقىل-وي كەمىستىگى، تىرەك-قيمىل اپپاراتى بۇزىلعان، سونىڭ ىشىندە بسپ، داۋن سيندرومى، اۋتيزم سپەكترى بۇزىلعان 18 جاسقا دەيىنگى مۇگەدەك بالالاردى قولداۋ مەن ەمدەۋگە باعىتتالعان.
يپپوتەراپيا ءادىسى العاش رەت 1992 جىلى اقش-تا امەريكاندىق يپپوتەراپيا قاۋىمداستىعىنىڭ قۇرىلۋىمەن تۇسپا-تۇس كەلدى. بۇل - بىرەگەي ءارى جاڭاشىل جوبا. جوبا اياسىندا مۇگەدەكتىگى بار بالالاردى اۋرۋدىڭ ەرتە كەزەڭدەرىندە ءساتتى ەمدەۋگە بولادى.
جوبانى Paralympic Sports Association قوعامدىق قورى الماتى قالاسىنىڭ الەۋمەتتىك ءال-اۋقات باسقارماسىنىڭ قولداۋىمەن مەملەكەتتىك الەۋمەتتىك تاپسىرىس اياسىندا جەرگىلىكتى بيۋدجەت ەسەبىنەن جۇزەگە اسىرۋدا.