قالا اكىمى باقىتجان ساعىنتايەۆتىڭ باستاماسىمەن كىشى الماتى وزەن ارناسى، تەررەنكۋر جاڭارتۋدان ءوتتى. ونى شاھاردىڭ جاسىل ەكونوميكا باسقارماسى باستىعى ناتاليا ليۆينسكايا تۇرعىندارمەن بىرگە اشتى، دەپ حابارلايدى Almaty-akshamy.kz.
الاڭعا 150 اعاش، 5 مىڭنان استام بۇتا وتىرعىزىلىپ، ناۆيگاسيالىق باعىتتاعىشتار قويىلدى. سونداي-اق، قالا تۇرعىندارىنىڭ ۇسىنىستارى بويىنشا اۆتوتۇراقتىڭ ورنىنا سپورتتىق جانە بالالار ويىن الاڭدارى قۇرىلىپ، دارەتحانالار ورناتىلدى.
سونىمەن قاتار، تەررەنكۋردا جاڭادان ورىندىقتار، شەزلونگتار جانە گۇلزارلار ىستەلدى. ساتبايەۆ كوشەسىنىڭ تومەنگى جاعى، گيدروتەحنيكالىق قۇرىلىستىڭ ماڭى اباتتاندىرىلدى. بارلىق شەشىمدەر جەرگىلىكتى تۇرعىندارمەن جانە الەۋمەتتىك بەلسەندىلەرمەن تالقىلانعانىن اتاپ وتكەن ءجون.
كىشى الماتىنىڭ كەيبىر بولىكتەرىن قالپىنا كەلتىرۋ 2020 قولعا الىنعان. باس-اياعى، سۋ بولگىشتەن باستاپ، دوستىق داڭعىلى، ونىڭ ىشىندە گيدروتەحنيكالىق قۇرىلىستاردان ماقاتايەۆ كوشەسىنە دەيىنگى، ۇزىندىعى 8،9 كم ۋچاسكەدە جۇمىستار جۇرگىزىلەتىن بولادى.
جۇمىستىڭ كوپ بولىگى بۇگىنگى كۇنگە دەيىن جاسالدى. اتاپ ايتقاندا، ىڭعايلى كوپىرلەر دەمونتاجدالدى جانە جاياۋ جۇرگىنشىلەر وتكەلدەرى ۇيىمداستىرىلدى. سونىمەن بىرگە، وزەن ارناسى قوقىستاردان تازارتىلىپ، گابيون قۇرىلىمدارى جوندەلدى.
