بۇگىن استانادا پرەزيدەنتتىڭ توراعالىعىمەن ەلوردانى دامىتۋ ماسەلەلەرى جونىندە كەڭەس ءوتتى.
ونىڭ بارىسىندا مەملەكەت باسشىسى استانا قالاسىنىڭ جانە اقمولا وبلىسىنىڭ اكىمدەرى قالا ماڭىنداعى اۋدانداردا تۇراتىن جۇرتتىڭ ءال-اۋقاتىن ارتتىرۋعا كۇش سالۋى كەرەكتىگىن ايتتى، دەپ حابارلايدى Almaty-akshamy.kz اقورداعا سىلتەمە جاساپ.
«استانا اگلومەراسياسى ينۆەستيسيا تارتۋعا، يننوۆاسيالاردى ەنگىزۋگە جانە بىلىكتى مامانداردىڭ ەڭبەك ەتۋىنە بارىنشا ىڭعايلى بولۋعا ءتيىس. وسى باعىتتاعى جۇمىستى جانداندىرۋ قاجەت. الەم ەكونوميكاسىندا تۇبەگەيلى وزگەرىستەر بولىپ جاتقان قازىرگى كەزەڭدە بۇل – وتە وزەكتى ماسەلە. ءبىز وسى تاريحي مۇمكىندىكتى پايدالانىپ، ەلوردا ايماعىن ەلىمىزدىڭ ەكونوميكالىق تىرەگىنە اينالدىرۋىمىز كەرەك»، - دەدى مەملەكەت باسشىسى جيىندا.
سونىمەن قاتار پرەزيدەنت ەلوردانىڭ دامۋى جاڭا ۇلگىگە كوشۋ كەرەكتىگىن دە ايتتى.
«استانا يننوۆاسيالىق شاھار بولۋى قاجەت. الەمدە قالانى باسقارۋدىڭ جاڭا سيفرلىق تاسىلدەرى قارقىندى تۇردە ەنگىزىلىپ جاتىر. ءبىز دە بۇعان باسا نازار اۋدارۋىمىز كەرەك. مەن بىرىككەن اراب امىرلىكتەرىندەگى قىرىق ەكى كومپانيانىڭ باسشىلارىمەن ارنايى كەزدەستىم. بۇل كومپانيا جاساندى ينتەللەكتىنى دامىتۋ ىسىندە كوش باستاپ وتىر. ولار «اقىلدى قالا» جوباسى اياسىندا وسى سالاداعى وزىق تاجىريبەسىن بىزگە ۇسىنۋعا دايىن. اكىمدىككە سيفرلىق دامۋ مينيسترلىگىمەن بىرلەسىپ، بۇل جۇمىستى دەرەۋ قولعا الۋدى تاپسىرامىن. جالپى، ىت-بيزنەس وكىلدەرىن جانە وسى سالاداعى بىلىكتى مامانداردى تارتۋ قاجەت. سول ارقىلى باس قالامىز ايماقتىڭ «Digital nomads» ورتالىعىنا اينالماق»، - دەپ تولىقتىردى قاسىم-جومارت توقايەۆ.