الماتىدا «جالعان» جەر تەلىمدەرىن ساتىپ كەلگەن الاياق ايەل ۇستالدى

الماتى پوليسياسى جۇرتتى 22 ملن تەڭگەگە سان سوقتىرعان الاياق ايەلدى ۇستادى.

اسا ءىرى كولەمدە الاياقتىق جاسادى دەگەن كۇدىككە ىلىنگەن بقو-نىڭ تۋماسى، 53 جاستاعى ر. ەسىمدى ايەل قاماۋعا الىندى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«25 جابىرلەنۋشىگە كەلتىرىلگەن جالپى ماتەريالدىق شىعىن 22 ملن تەڭگەدەن اسادى. كۇدىكتى ق ر قپك-نىڭ 128-بابىنا سايكەس، پد-نىڭ ۋاقىتشا ۇستاۋ يزولياتورىنا قامالدى. تەرگەۋدىڭ وسى كەزەڭىندە ايەلدىڭ ازاماتتاردىڭ سەنىمىنە كىرىپ، ولارعا جەر تەلىمدەرىن نارىق باعاسىنان تومەن باعاعا ساتىپ الۋدى ۇسىنعانى انىقتالدى. ول “الەۋەتتى كليەنتتەردەن” باستاپقى جارنانى العان، ونىڭ سوماسى جەر تەلىمىنىڭ ورنالاسقان جەرىنە بايلانىستى وزگەرىپ وتىردى. ايەل ادام اقشانى العاننان كەيىن حابارسىز كەتكەن. قازىرگى تاڭدا 25 قىلمىستىق ەپيزود انىقتالدى»، – دەدى الاتاۋ اۋداندىق پوليسيا باسقارماسىنىڭ باستىعى تالعات بەركىنبايەۆ.

پوليسيا قىزمەتكەرلەرى ر. ەسىمدى ازاماتشانىڭ قالانىڭ باسقا دا جەرلەرىندە وسىعان ۇقساس قىلمىسقا قاتىسى بار بولۋى مۇمكىن ەكەنىن جوققا شىعارمايدى. وسىعان بايلانىستى ولار ازاماتتاردان وسى سۋرەتكە مۇقيات قاراپ، ايەلدى تانىعان جاعدايدا، مىنا تەلەفون نومىرلەرىنە حابارلاسۋدى سۇرايدى: 8-702-448-63-37 جانە 227-55-02.